Adani-Hindenburg Case: સુપ્રિમ કોર્ટની નિષ્ણાત સમિતિએ સ્ટોક સટ્ટાખોરી મામલે રેગ્યુલેટરી નિષ્ફળતાને નકારી
નવી દિલ્હી, 19 મેઃઅદાણી ગ્રૂપ- હિન્ડેનબર્ગ કેસમાં તપાસની દેખરેખ કરવા માટે સુપ્રિમ કોર્ટ દ્વારા રચવામાં આવેલી નિષ્ણાત સમિતિ (Expert committee)એ હિન્ડેનબર્ગના ગ્રૂપ શેર્સમાં સટ્ટાખોરી મામલે સેબી તપાસમાં નિષ્ફળ રહી હોવાનો આક્ષેપ માન્ય ગણ્યો નથી. પરંતુ નિષ્ણાત સમિતિએ જણાવ્યું હતું કે યુએસ સ્થિત શોર્ટ સેલર હિંડનબર્ગ ગ્રૂપના અહેવાલ પહેલા અદાણી ગ્રૂપના શેરોમાં શોર્ટ પોઝિશનમાં વધારો થયો હોવાના પુરાવા મળ્યા છે. જેના પગલે ભાવમાં ચાલાકી અંગે નિયમનકારી નિષ્ફળતા રહી છે કે કેમ તે અંગે તારણ કાઢવું શક્ય નથી.
કોર્ટે નિયમનકારી માળખા અને અબજોપતિ ગૌતમ અદાણીના સમૂહ સામેના આરોપોની તપાસ કરવા માટે પેનલની રચના કરી હતી. જાન્યુઆરીમાં, યુ.એસ.-સ્થિત શોર્ટ-સેલર હિંડનબર્ગ રિસર્ચે અદાણી જૂથની આસપાસ અનેક આરોપો મૂક્યા હતાં. જેમાં ટેક્સ હેવનનો અયોગ્ય ઉપયોગ અને પોર્ટ-ટુ-એનર્જી સમૂહ દ્વારા સ્ટોકની હેરાફેરીનો આક્ષેપ કર્યો હતો. જૂથે તમામ આરોપોને નકારી કાઢ્યા છે.
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)એ 13 વિશિષ્ટ ટ્રાન્જેક્શન્સની ઓળખ કરી છે. પક્ષ સંબંધિત કાયદેસરના વ્યવહારોની આકરણી કરી રહી છે કે, તેમાં છેતરપિંડી થઈ છે કે નહીં. સેબી સક્રિયપણે આ વ્યવહારો પર ડેટા એકત્ર કરી રહી છે, ત્યારે તેણે સમયમર્યાદામાં તપાસ પૂર્ણ કરવી પડશે. નિયમનકારીની નિષ્ફળતાના પ્રશ્ન પર, પેનલે જણાવ્યું હતું કે તે માને છે કે જ્યારે આ વ્યવહારો પ્રભાવિત થયા હતા ત્યારે પ્રવર્તમાન નિયમોના સંદર્ભમાં નિયમનકારી નિષ્ફળતા માનવી શક્ય નથી. સેબીએ હિન્ડેનબર્ગના અહેવાલ પહેલાં જ કેટલીક કંપનીઓમાં શોર્ટ પોઝિશન થઈ હોવાનું શોધી કાઢ્યું હતું.
અદાણી ગ્રૂપના શેરોના વર્તમાન ભાવો સ્થિર
સમિતિએ જણાવ્યું હતું કે બજારે અદાણીના શેરોની પુનઃ કિંમત અને પુનઃ આકારણી કરી છે. જો કે, તેઓ 24 જાન્યુઆરીના પહેલાંના સ્તરે પાછા ફર્યા નથી. વર્તમાન નવા ભાવો સ્થિર છે. નોંધ્યું હતું કે ડેટા મુજબ, 24 જાન્યુઆરી, 2023 પછી રિટેલ રોકાણકારોનું અદાણી શેરોમાં એક્સપોઝર વધ્યું હતું. અને તેના આધારે, તારણ કાઢ્યું હતું કે સમગ્ર ભારતીય શેરબજાર હિન્ડેનબર્ગના રિપોર્ટના પગલે વોલેટાઈલ રહ્યુ ન હતું.
