HDFC બેન્કે પ્રથમ સસ્ટેનેબલ ફાઇનાન્સ બોન્ડ ઇશ્યુ દ્વારા $30 કરોડ એકત્ર કર્યા

મુંબઈ, 7 ફેબ્રુઆરી: HDFC બેન્ક લિમિટેડે તેના પ્રથમ ટકાઉ ફાઇનાન્સ બોન્ડ ઇશ્યૂ દ્વારા $30 કરોડ એકત્ર કર્યા છે. આ રેગ્યુલેશન એસ બોન્ડ્સ દ્વારા $75 કરોડ એકત્ર કરવાના ફંડનો એક ભાગ છે. યુએસ ટ્રેઝરીમાં 95 બેસિસ પોઈન્ટ્સ સાથે ત્રણ વર્ષના કાર્યકાળ માટે $30 કરોડ એકત્ર કરવામાં આવ્યા છે, અને યુએસ ટ્રેઝરીમાં 108 બેસિસ પોઈન્ટ્સના સ્પ્રેડ સાથે 5 વર્ષના કાર્યકાળ માટે અન્ય $45 કરોડ એકત્ર કરવામાં આવ્યા છે. ત્રણ વર્ષના ટકાઉ બોન્ડ અને પાંચ વર્ષના સિનિયર અનસિક્યોર્ડ બોન્ડ માટે USD રેગ એસ ઇશ્યુના સમાન કદ માટે ભારતીય ઇશ્યુઅર દ્વારા પ્રાપ્ત કરાયેલ સૌથી ચુસ્ત ક્રેડિટ સ્પ્રેડ છે.

સસ્ટેનેબલ ફાઇનાન્સ બોન્ડની આવકનો ઉપયોગ ટકાઉ ફાઇનાન્સ અનુસાર ગ્રીન અને સોશિયલ લોનના ભંડોળ માટે કરવામાં આવશે જ્યારે બાકીની આવક સામાન્ય બેન્કિંગ પ્રવૃત્તિઓને ધિરાણ કરવા માટે જશે.

એચડીએફસી બેન્ક ગ્રુપના ટ્રેઝરી હેડ અરૂપ રક્ષિતે જણાવ્યું હતું કે, ”સસ્ટેનેબલ ફાઇનાન્સ બોન્ડ દ્વારા એકત્ર કરાયેલા ભંડોળનો ઉપયોગ ઇલેક્ટ્રિક વાહનો, SMEs અને પરવડે તેવા હાઉસિંગ માટે ધિરાણ માટે પ્રાથમિકતા આપવામાં આવશે. અમે બેન્કની જોખમની ફિલસૂફીને વળગી રહીએ છીએ તેમ છતાં અમે ગ્રીન અને સોશિયલ પોર્ટફોલિયો બનાવવા માટે મજબૂત પ્રતિબદ્ધ છીએ.”

બોન્ડ્સ ઈન્ડિયા ઈન્ટરનેશનલ એક્સચેન્જ (ઈન્ડિયા INX) પર GIFT IFSCમાં લિસ્ટેડ થશે. પેપરને મૂડીઝ દ્વારા Baa3 (સ્થિર) અને S&P દ્વારા BBB- (સ્થિર) રેટિંગ આપવામાં આવ્યું હતું. બેન્કે બાર્કલેઝ, બોફા સિક્યોરિટીઝ, જેપી મોર્ગન, MUFG અને સ્ટાન્ડર્ડ ચાર્ટર્ડ બેન્કને જોઈન્ટ ગ્લોબલ કોઓર્ડિનેટર અને જોઈન્ટ લીડ મેનેજર તરીકે નિમણૂક કર્યા હતા.

HDFC Bankનો શેર આજે બીએસઈ ખાતે 0.96 ટકા ઘટાડા સાથે 1429.90 પર બંધ રહ્યો હતો. જેની વાર્ષિક ટોચ 1757.80 અને બોટમ રૂ. 1382.40 છે.