ICICI પ્રુડેન્શિયલ એસેટ મેનેજમેન્ટ કંપની લિમિટેડનો IPO 12 ડિસેમ્બરે ખુલશે, પ્રાઇસબેન્ડ રૂ. 2061 – 2165

અમદાવાદ,9 ડિસેમ્બર: ICICI પ્રુડેન્શિયલ એસેટ મેનેજમેન્ટ કંપની લિમિટેડ શેરદીઠ રૂ. 1 ની ફેસ વેલ્યૂ અને શેરદીઠ રૂ. 2061 – 2165 ની પ્રાઇસબેન્ડ ધરાવતા શેર્સના IPO સાથે તા. 12 ડિસેમ્બરે મૂડીબજારમાં પ્રવેશી રહી છે. . એન્કર ઇન્વેસ્ટર બિડીંગ તારીખ 11 ડિસેમ્બર છે. 48972994 શેર્સની રૂ.  10,602.65 કરોડની ઓફર ધરાવતો આઇપીઓ તા. 16 ડિસેમ્બરે બંધ થશે. લોટ સાઇઝ 6 શેર્સની રાખવામાં આવી છે. કંપનીના શેર્સ NSE અને BSE ખાતે લિસ્ટેડ કરાવવાની કંપની દરખાસ્ત ધરાવે છે. બિડ્સ લઘુતમ 6 ઇક્વિટી શેર્સ અને ત્યારબાદ 6 ઇક્વિટી શેર્સના ગુણાંકમાં કરી શકાય છે.

કંપનીની કામગીરી અને ઇતિહાસ એક નજરે:

ICICI પ્રુડેન્શિયલ 1993 માં સ્થાપિત AMC એક એસેટ મેનેજમેન્ટ કંપની છે. તેનો રોકાણ અભિગમ હંમેશા જોખમનું સંચાલન કરવાનો અને તેમના ગ્રાહકો માટે લાંબા ગાળાના વળતરનો લક્ષ્ય રાખવાનો રહ્યો છે. ICICI પ્રુડેન્શિયલ AMC પાસે સક્રિય ત્રિમાસિક સરેરાશ એસેટ અંડર મેનેજમેન્ટ (QAAUM) છે. 30 સપ્ટેમ્બર, 2025 સુધીમાં, તેનો QAAUM 10,1476 બિલિયન છે.

કંપની ઓફશોર ક્લાયન્ટ્સને પોર્ટફોલિયો મેનેજમેન્ટ સર્વિસીસ (PMS), વૈકલ્પિક રોકાણ ભંડોળ (AIF) અને સલાહકાર સેવાઓ પ્રદાન કરે છે. કંપની મ્યુચ્યુઅલ ફંડ ઉદ્યોગમાં સૌથી વધુ સંખ્યામાં યોજનાઓનું સંચાલન કરે છે. 30 સપ્ટેમ્બર, 2025 સુધીમાં, 143 યોજનાઓ સાથે, જેમાં 44 ઇક્વિટી અને ઇક્વિટી ઓરિએન્ટેડ યોજનાઓ, 20 ડેટ યોજનાઓ, 61 પેસિવ યોજનાઓ, 15 સ્થાનિક ફંડ-ઓફ-ફંડ યોજનાઓ, એક લિક્વિડ યોજના, એક રાતોરાત યોજના અને એક આર્બિટ્રેજ યોજનાનો સમાવેશ થાય છે.

કંપનીની નાણાકીય કામગીરી એક નજરે:

31 માર્ચ, 2025 અને 31 માર્ચ, 2024 ના રોજ પૂરા થતા નાણાકીય વર્ષ દરમિયાન, ICICI પ્રુડેન્શિયલ એસેટ મેનેજમેન્ટ કંપની લિમિટેડની આવકમાં 32% અને કર પછીનો નફો (PAT) 29% વધ્યો.

લીડ મેનેજર્સ : સિટીગ્રુપ ગ્લોબલ માર્કેટ્સ ઇન્ડિયા પ્રાઇવેટ લિમિટેડ, ICICI સિક્યોરિટીઝ લિમિટેડ, એક્સિસ કેપિટલ લિમિટેડ, મોર્ગન સ્ટેનલી ઇન્ડિયા કંપની પ્રાઇવેટ લિમિટેડ, ગોલ્ડમેન સૅક્સ (ઇન્ડિયા) સિક્યોરિટીઝ પ્રાઇવેટ લિમિટેડ, CLSA ઇન્ડિયા પ્રાઇવેટ લિમિટેડ, BofA સિક્યોરિટીઝ ઇન્ડિયા લિમિટેડ, UBS સિક્યોરિટીઝ ઇન્ડિયા પ્રાઇવેટ લિમિટેડ, BNP પરિબાસ, નોમુરા ફાઇનાન્સિયલ એડવાઇઝરી એન્ડ સિક્યોરિટીઝ (ઇન્ડિયા) પ્રાઇવેટ લિમિટેડ, એવેન્ડસ કેપિટલ પ્રાઇવેટ લિમિટેડ, SBI કેપિટલ માર્કેટ્સ લિમિટેડ, કોટક મહિન્દ્રા કેપિટલ કંપની લિમિટેડ, JM ફાઇનાન્સિયલ લિમિટેડ, નુવામા વેલ્થ મેનેજમેન્ટ લિમિટેડ, IIFL કેપિટલ સર્વિસીસ લિમિટેડ (અગાઉ IIFL સિક્યોરિટીઝ લિમિટેડ તરીકે ઓળખાતી), મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ અને HDFC બેંક લિમિટેડને ઓફરના બુક રનિંગ લીડ મેનેજર તરીકે નિયુક્ત કરવામાં આવ્યા છે; અને કેફિન ટેક્નોલોજીસ લિમિટેડ ઓફરના રજિસ્ટ્રાર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)