કિર્લોસ્કર ન્યૂમેટિકે પહેલા ત્રિમાસિક ગાળાના પરિણામો જાહેર કર્યા

અમદાવાદ, 23 જુલાઈ:  ભારતમાં એર, રેફ્રિજરેશન અને ગેસ કમ્પ્રેશન બિઝનેસમાં અગ્રણી કંપની કિર્લોસ્કર ન્યૂમેટિક કંપની લિમિટેડે નાણાંકીય વર્ષ 2026ના પહેલા ત્રિમાસિક ગાળા માટેના તેના નાણાંકીય પરિણામો આજે જાહેર કર્યા હતા.

નાણાંકીય વર્ષ 2026ના પહેલા ત્રિમાસિક ગાળા માટેની કુલ આવકો રૂ. 280 કરોડ (નાણાંકીય વર્ષ 2025ના પહેલા ત્રિમાસિક ગાળામાં રૂ. 279.7 કરોડ) રહી હતી જેમાં કરવેરા પૂર્વેનો નફો રૂ. 36.8 કરોડ રહ્યો હતો (નાણાંકીય વર્ષ 2025ના પહેલા ત્રિમાસિક ગાળામાં રૂ. 35.9 કરોડ). વેચાણ અને નફાના આંકડા ફ્લેટ રહ્યા હતા જ્યારે બિઝનેસમાં સ્થિતિસ્થાપકતા ચાલુ રહી હતી અને આગામી ત્રિમાસિક ગાળામાં મોમેન્ટમ ઊભું થાય તેવી સારી સ્થિતિમાં રહ્યો છે.

નાણાંકીય વર્ષ 2026ના પહેલા ત્રિમાસિક ગાળા ના નવા ઓર્ડર બુકિંગ્સ રૂ. 365 કરોડ રહ્યા હતા અને 1 જુલાઇ, 2025ના રોજ હાથ પરના ઓર્ડર રૂ. 1,725 કરોડ રહ્યા હતા. પહેલા ત્રિમાસિક ગાળામાં ઓછા ઓર્ડર બુકિંગ્સ અને વેચાણો મુખ્યત્વે અનિશ્ચિત વૈશ્વિક પરિસ્થિતિના લીધે હતા જેના લીધે ચર્ચા હેઠળના અનેક મોટા ઓર્ડર નક્કી કરવા પર અસર પડી હતી.

કોમ્પ્રેશન બિઝનેસ અમારા મુખ્ય ચાલક બળ તરીકે ચાલુ રહ્યો છે જે કંપનીની આવકમાં લગભગ 89 ટકાનો હિસ્સો ધરાવે છે અને અમારો એકમાત્ર રિપોર્ટિંગ સેગમેન્ટ રહ્યો છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)