નાની બચત યોજનાઓમાં રોકાણકારોને વધુ લાભ, મેચ્યોરિટી પહેલા ઉપાડ પર કોઈ પેનલ્ટી નહીં
| Savings Scheme | Interest rate |
| Post Office Savings Account | 4% |
| Post Office Recurring Deposit | 6.7% |
| Post Office Monthly Income Scheme | 7.4% |
| Post Office Time Deposit (1 year) | 6.9% |
| Post Office Time Deposit (2 years) | 7% |
| Post Office Time Deposit (3 years) | 7% |
| Post Office Time Deposit (5 years) | 7.5% |
| Kisan Vikas Patra (KVP) | 7.5% |
| Public Provident Fund (PPF) | 7.1% |
| Sukanya Samriddhi Yojana | 8% |
| National Savings Certificate | 7.7% |
| Senior Citizens’ Saving Scheme (SCSS) | 8.2% |
નવી દિલ્હી, 15 નવેમ્બરઃ નાની બચત યોજના પ્રત્યે લોકોનું આકર્ષણ તેમજ એફડી કરતાં વધુ વ્યાજદરો દ્વારા વધુને વધુ લોકોને જોડવાના હેતુ સાથે સરકારે તેમાં ફેરફારો કર્યા છે. જેમાં સિનિયર સિટીઝન સેવિંગ્સ સ્કીમ (SCSS), પબ્લિક પ્રોવિડન્ટ ફંડ (PPF) અને 5 વર્ષની પોસ્ટ ઓફિસ ટાઈમ ડિપોઝિટમાં અનેક સુધારા-વધારા દ્વારા રોકાણકારોને વધુ લાભ અને ઝડપી સુવિધા આપશે.
પબ્લિક પ્રોવિડન્ટ ફંડ (એમેન્ડમેન્ટ) સ્કીમ, 2023માં સંશોધિત માર્ગદર્શિકા હેઠળ, સમય પહેલા બંધ કરવાના નિયમોમાં ફેરફારો રજૂ કરવામાં આવ્યા છે. અગાઉ, PPF ખાતું તેની પાકતી મુદત પહેલાં બંધ કરવા પર પેનલ્ટી લાગતી હતી, તેમજ એકાઉન્ટની શરૂઆત અથવા વિસ્તરણ પછી એકાઉન્ટમાં જમા કરાયેલા દર કરતાં 1% નીચા દરે વ્યાજની મંજૂરી આપવામાં આવી છે.
પાકતી મુદત પહેલા ઉપાડ પર ઓછું વ્યાજ
જો કે, સુધારો જણાવે છે કે પ્રીમેચ્યોર ક્લોઝર પરના વ્યાજની ગણતરી વર્તમાન પાંચ વર્ષના બ્લોક સમયગાળાની શરૂઆતથી ખાતામાં સમયાંતરે જમા થતા વ્યાજ કરતાં 1% નીચા દરે કરવામાં આવશે. આનો આવશ્યક અર્થ એ છે કે મેચ્યોરિટી પહેલા ઉપાડ પર હવે કોઈ વધુ પડતી પેનલ્ટી નહિં પરંતુ 1 ટકા ઓછુ વ્યાજ મળશે.
વરિષ્ઠ નાગરિકોને ખાતુ ખોલાવવા વધુ સમય
વરિષ્ઠ નાગરિકોને સુવિધા પૂરી પાડવાના હેતુથી અન્ય એક મહત્વપૂર્ણ પગલામાં, હવે વરિષ્ઠ નાગરિક બચત યોજના હેઠળ ખાતા ખોલવા માટેનો સમયગાળો લંબાવવામાં આવ્યો છે. અગાઉ રિટાયરમેન્ટના એક મહિનામાં સિનિયર સિટિજન સેવિંગ્સ સ્કીમ શરૂ કરવાની રહેતી હતી. પરંતુ હવે તેના માટે ત્રણ મહિનાનો સમય આપવામાં આવ્યો છે.
સૂચના મુજબ, વ્યક્તિઓ હવે નિવૃત્તિ લાભો પ્રાપ્ત થયાની તારીખથી ત્રણ મહિનાની અંદર ખાતું ખોલવાનું શરૂ કરી શકે છે, નિવૃત્તિ લાભો માટે વિતરણની તારીખોના જરૂરી પુરાવા સાથે વધુ આરામદાયક સમયમર્યાદા ઓફર કરે છે.
NSTSમાં પણ ફેરફારો
સુધારેલી નેશનલ સેવિંગ્સ ટાઈમ સ્કીમ પાંચ વર્ષના ખાતામાંથી અકાળ ઉપાડ માટે બદલાયેલ વ્યાજ માળખું ઓફર કરે છે. અગાઉ, જો કોઈ વ્યક્તિ ચાર વર્ષ પછી સમય પહેલા ઉપાડ કરે છે, તો લાગુ વ્યાજ દર ત્રણ વર્ષના ફિક્સ્ડ ડિપોઝિટ ખાતાની જેમ જ હતો.
જો કે, સુધારેલી સ્કીમ સાથે, જો ખાતા ખોલ્યાના ચાર વર્ષ પછી સમય પહેલા ઉપાડ થાય છે, તો હવે લાગુ પડતા વ્યાજ દર પોસ્ટ ઓફિસ સેવિંગ્સ એકાઉન્ટને અનુરૂપ હશે.
નાની બચત યોજનાઓ લોકપ્રિય રોકાણ સાધનો છે જ્યાં મોટાભાગના ભારતીયો, ખાસ કરીને વરિષ્ઠ નાગરિકો હજુ પણ બચત કરવાનું પસંદ કરે છે. નોંધનીય છે કે સરકાર દ્વારા દર ત્રિમાસિકમાં નાની બચત યોજનાઓ પરના વ્યાજ દરોની સમીક્ષા કરવામાં આવે છે. ઓક્ટોબર-ડિસેમ્બર 2023 ક્વાર્ટર માટે, સરકારે પાંચ વર્ષના રિકરિંગ ડિપોઝિટ દરોમાં નજીવા વધારા સિવાય નાની બચતના વ્યાજ દરોને સ્થિર રાખ્યા હતા.
