નિફ્ટી 20,000 ક્રોસ, એપ્રિલ-સપ્ટે.માં 17% સુધારો

સેન્સેક્સે પણ 67000 પોઇન્ટની સપાટી ફરીવાર ક્રોસ કરવામાં સફળતા મેળવી

7.5 કરોડ+PAN નંબરો NSE સાથે જોડાયેલા છે

નિફ્ટી 50 સ્ટોક ઇન્ડેક્સ 20,000ની ઐતિહાસિક સીમાચિહ્ન પર પહોંચ્યો છે. 27 વર્ષોમાં નિફ્ટી 50ની પ્રગતિમાં 7.5 કરોડથી વધુ PAN નંબરો અમારી સાથે નોંધાયેલા છે જે સૂચવે છે કે 5 કરોડ પરિવારો બચતનો એક ભાગ ઇક્વિટી માર્કેટમાં NSE દ્વારા પ્રદાન કરે છે. બજારો નિફ્ટી 50 ઇન્ડેક્સની પ્રગતિને પ્રતિબિંબિત કરવાનું ચાલુ રાખશે. NSE કાર્યક્ષમ, પારદર્શકબજારો પ્રદાન કરવાનું ચાલુ રાખશે.- આશિષકુમાર ચૌહાણ, MD- CEO, નેશનલ સ્ટોક એક્સચેન્જ

મુંબઇ, 11 સપ્ટેબરઃ નેશનલ સ્ટોક એક્સચેન્જનો નિફ્ટી-50 સોમવારે તા.11 સપ્ટેમ્બરના રોજ સૌપ્રથમ વાર 20000 પોઇન્ટની ઐતિહાસિક સપાટી ક્રોસ કરવામાં સફળ થયો છે. ભારતીય શેરબજારોમાં ચાલી રહેલી ફુલગુલાબી તેજી હવે સેન્સેક્સ પણ 75000 પોઇન્ટ તરફ એટલે કે સુપર સિનિયર સિટિઝનની કેટેગરીમાં પહોંચવા સાથે ભારતીય શેરબજારો ગ્લોબલ ઇક્વિટી માર્કેટ્સમાં રિટર્નની દ્રષ્ટિએ પણ ડંકો વગાડી રહ્યા છે. તેના પ્રતિબિંબરૂપે વિદેશી નાણાકીય સંસ્થાઓનો મૂડીરોકાણ પ્રવાહ પણ ભારતમાં વધુ ઠલવાઇ રહ્યો છે.

તાજેતરમાં, ગુડ્સ એન્ડ સર્વિસ ટેક્સ કલેક્શન, ખાનગી મૂડી ખર્ચ, ધિરાણ વૃદ્ધિ અને ઑગસ્ટ માટે પરચેઝિંગ મેનેજર્સ ઇન્ડેક્સ જેવા કેટલાક ઉચ્ચ-આવર્તન સૂચકાંકો દર્શાવે છે કે ભારતીય અર્થતંત્ર મક્કમ રહ્યું છે. અર્થવ્યવસ્થાએ ઊંચા ફુગાવા, ઊંચા વ્યાજ દરો, ક્રૂડના વધતા ભાવ, ચોમાસાનું ચોમાસું અને વૈશ્વિક મંદી વગેરેનો પ્રતિકાર કર્યો છે.

એપ્રિલની શરૂઆતથી, નિફ્ટીમાં 17 ટકાનો ઉછાળો આવ્યો છે, જે $18.9 બિલિયનથી વધુના વિદેશી મૂડીરોકાણ પ્રવાહને કારણે છે. આ સમયગાળા દરમિયાન DIIએ રૂ. 33,397 કરોડની ખરીદી કરી હતી. દરમિયાન, મિડ- અને સ્મોલ-કેપ સૂચકાંકોમાં વધુ નોંધપાત્ર રેલી જોવા મળી છે, દરેક અનુક્રમે લગભગ 41 ટકા અને 47 ટકા વધી રહ્યા છે.

52 WEEKની ટોચે પહોંચેલા સેક્ટોરલ્સ એક નજરે