Paytm facilitates monthly merchant transactions worth Rs 1 lakh crore

Paytm દ્વારા લોન ફાળવણી 779 ટકા વધી, મર્ચન્ટ ટ્રાન્જેક્શનમાં 70 ટકા વૃદ્ધિ

અમદાવાદ: વન97 કોમ્યુનિકેશન લિ. (One97 Communications Limited)ની માલિકીની બ્રાન્ડ પેટીએમ દ્વારા લોન ફાળવણી 779 ટકા વધી છે. Paytmએ છેલ્લા એક વર્ષમાં કુલ 5554 કરોડની લોન ફાળવી છે. જેમાં પર્સનલ લોન અને મર્ચન્ટ લોન ફાળવણી 1100 ટકા અને 1000 ટકા વધી છે. પેટીએમે છેલ્લા એક વર્ષમાં 1344 કરોડની પર્સનલ લોન, 827 કરોડની મર્ચન્ટ લોન ફાળવી છે. દર મહિને વેપારીઓ(P2M)  1 લાખ કરોડથી વધુના ટ્રાન્જેક્શન કરી રહ્યા છે. જે વાર્ષિક ધોરણે 70% વધારો દર્શાવે છે. આ દરેક પગલા પર ગ્રાહકનો વિશ્વાસ ઊભો કરતી વખતે દેશના વિકસતા ડિજિટલ પેમેન્ટ લેન્ડસ્કેપમાં કંપનીની અગ્રણીતાને પ્રતિબિંબિત કરે છે.

Paytmના પ્રવક્તા અનુજ મિત્તલે જણાવ્યું હતું કે, “અમારા શેરધારકો અને ગ્રાહકો માટે લાંબા ગાળાના મૂલ્યનું નિર્માણ કરવું એ અમારી પ્રાથમિકતા છે, કારણ કે અમે એક મોટી અને નફાકારક કંપની બનાવવા પર ધ્યાન કેન્દ્રિત કરીએ છીએ. અમે ડિજિટલ પેમેન્ટ્સમાં અમારી પાયોનિયરશિપને મજબૂત કરવા અને અમારી નવીન ઓફરો સાથે ભારતમાં નાણાકીય સમાવેશ કરવા માટે પ્રતિબદ્ધ છીએ.” વધુમાં, Paytm એપ પર બે મહિનામાં રોજિંદા યુઝર્સ દ્વારા 7.88 કરોડના સરેરાશ માસિક ટ્રાન્ઝેક્શન યુઝર્સ (MTU) સાથે વધુ એક માઈલસ્ટોન રચ્યો છે. કંપનીનો લોન વિતરણ બિઝનેસ હવે રૂ. 29,000 કરોડના વાર્ષિક ફાળવણી દરે પહોંચી ગયો છે, ચાલુ નાણાકીય વર્ષના બીજા ત્રિમાસિકમાં કંપનીએ રૂ. 4517 કરોડની લોન ફાળવી છે.

પેટીએમની આવકો ચાર ગણી વધી