સપ્ટેમ્બરમાં ખાનગી ક્ષેત્રની પ્રવૃત્તિ 59.3% ની સાથે નીચી સપાટીએ

અમદાવાદ, 23 સપ્ટેમ્બર ઉત્પાદન અને સેવાઓ બંને પ્રથમ ત્રિમાસિક ગાળામાં સ્થિર રહ્યા હતા, જેમાં મેન્યુફેક્ચરિંગે Q1FY25માં 7 ટકાની વૃદ્ધિ નોંધાવી હતી, જે અગાઉના વર્ષના 5 ટકાની સરખામણીમાં વધારે હતી. સપ્ટેમ્બરમાં ભારતની વ્યાપાર પ્રવૃત્તિ એક મહિના પહેલા 60.7 થી ઘટીને 59.3 થઈ ગઈ છે.મેન્યુફેક્ચરિંગ પ્રવૃત્તિ એક મહિના પહેલા 57.5 થી ઘટીને 56.7 થઈ ગઈ, જ્યારે સેવા પ્રવૃત્તિ અગાઉના મહિનામાં 60.9 થી સપ્ટેમ્બરમાં ઘટીને 58.9 થઈ ગઈ.સેવા વૃદ્ધિ અગાઉના ક્વાર્ટરમાં 6.7 ટકાથી વધીને  7.3 ટકાની ચાર-ક્વાર્ટરની ઊંચી સપાટીએ પહોંચી હતી.

HSBCના ચીફ ઈન્ડિયા ઈકોનોમિસ્ટ પ્રાંજુલ ભંડારીએ જણાવ્યું કે, “ભારતમાં ફ્લેશ કમ્પોઝિટ પીએમઆઈ સપ્ટેમ્બરમાં થોડી ધીમી ગતિએ વધ્યો હતો, જે 2024માં જોવામાં આવેલી સૌથી ધીમી વૃદ્ધિને દર્શાવે છે. ઉત્પાદન અને સેવા બંને ક્ષેત્રે મહિના દરમિયાન સમાન રહ્યા હતા. HSBC ફ્લેશ ઈન્ડિયા કમ્પોઝિટ આઉટપુટ ઈન્ડેક્સ નવ મહિનામાં પ્રથમ વખત 60 થી નીચે ગયો, જોકે સંયુક્ત ઈન્ડેક્સ હજી પણ તેની લાંબા ગાળાની સરેરાશથી ઉપર ટ્રેડ થઈ રહ્યો છે”.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)