RBIએ રેપોરેટ 6.50 ટકાના સ્તરે યથાવત્ જાળવી રાખ્યો

અમદાવાદ, 6 એપ્રિલઃ રિઝર્વ બેન્ક ઓફ ઇન્ડિયાની એમપીસીની બેઠકના અંતે આરબીઆઇએ સમગ્ર બજાર વર્ગની ધારણાથી વિપરીત રેપોરેટ 6.50 ટકાના સ્તરે યથાવત્ જાળવી રાખવાના જાહેરાત કરી છે. મોટાભાગનો વર્ગ રેપોરેટમાં વધુ 25-50 બેઝિસ પોઇન્ટના વધારાની ધારણા સેવતો હતો.

તાજેતરની વૈશ્વિક નાણાકીય ઉથલપાથલને પગલે વૃદ્ધિ માટેના જોખમોને ટાંકીને આરબીઆઈએ રેપો રેટ 6.50% પર જાળવી રાખ્યો છે. મોટાભાગના વિશ્લેષકોએ અંતિમ 25 બેસિસ પોઈન્ટના વધારાની અપેક્ષા રાખી હતી. જો કે, સેન્ટ્રલ બેંકે એલિવેટેડ કોર ફુગાવા વચ્ચે તેનું વલણ જાળવી રાખ્યું હતું.

જોકે, આરબીઆઈના ગવર્નરે સ્પષ્ટ કર્યું છે કે,MPC ની આગામી બેઠકમાં જરૂરત પડવા પર આગામી કદમ ઉઠાવતા કોઈ સંકોચ નહીં કરવામાં આલે. તેમણે કહ્યું હતું કે, એમપીસીએ માત્ર આ બેઠકમાં જ વ્યાજદર ન વધારવાનો નિર્ણય કર્યો છે. તેનો અર્થ એવો થયો કે જો આગામી સમયમાં આરબીઆઈને જરૂર જણાશે તો તે રેપો રેટમાં વધારો કરી શકે છે. આરબીઆઈએ કહ્યું હતું કે, MPCના છમાંથી પાંચ સભ્યએ ઉદાર વલણ પાછું ખેંચવાની હિમાયત કરી હતી. આરબીઆઈની નાણાકીય નીતિ સમિતિ(RBI MPC)ની બેઠક 3,5 અને 6 એપ્રિલે થઈ હતી.

આર્થિક વૃદ્ધિ દર (જીડીપી ગ્રોથરેટ) 6.5 ટકા રહેવાની ધારણા

શક્તિકાંત દાસે કહ્યું હતું કે, આરબીઆઈનું અનુમાન છે કે નાણાકીય વર્ષ 2023-24મા ભારતની વાસ્તવિક જીડીપી વૃદ્ધિ દર 6.5 ટકા રહી શકે છે. આરબીઆઈનું અનુમાન છે કે, નાણાકીય વર્ષ 2023-24ના પહેલા ક્વાર્ટરમાં જીડીપી વૃદ્ધિ દર 7.8 ટકા, બીજા ક્વાર્ટરમાં 6.2 ટકા, ત્રીજા ક્વાર્ટરમાં 6.1 ટકા અને ચોથા ક્વાર્ટરમાં 5.9 ટકા રહી શકે છે.

રિટેલ ફુગાવાનું અનુમાન 5.3 ટકાથી ઘટાડી 5.2 ટકા કરાયું

આરબીઆઈએ ચાલુ નાણાકીય વર્ષમાં રિટેલ ફુગાવાના દરનું અનુમાન 5.3 ટકાથી ઘટાડીને 5.2 ટકા કરી દીધું છે. આરબીઆઈએ નાણાકીય વર્ષ 2023-24ના પ્રથમ ક્વાર્ટરમાં રિટેલ મોંઘવારીનો દર 5.1 ટકા, જુલાઈ-સપ્ટેમ્બરના ગાળામાં 5.4 ટકા, ઓક્ટોબર-ડિસેમ્બર ક્વાર્ટરમાં 5.4 ટકા અને જાન્યુ-માર્ચના ક્વાર્ટરમાં 5.2 ટકા રહેવાનો અંદાજ વ્યક્ત કર્યો છે.