સેન્સેક્સ 1500 પોઈન્ટ ઉછળ્યો, નિફ્ટી 17700ની સપાટી પાછી મેળવી, FPIની રૂ. 4166 કરોડની નેટ ખરીદીનો ટેકો
![](https://businessgujarat.in/wp-content/uploads/2022/08/bear-6-2.jpg)
અમદાવાદઃ વિદેશી રોકાણકારોએ ઓગસ્ટ મહિનાના અંતે રૂ. 4165.86 કરોડની રેકોર્ડ ખરીદી નોંધાવી છે. જેના પગલે સેન્સેક્સ 1500 પોઈન્ટ વધ્યો છે. નિફ્ટી 17700નું રેઝિસ્ટન્સ લેવલ પર પાછો ફર્યો હતો. બેન્કિંગ-ફાઈનાન્સ અને રિયાલ્ટી સેક્ટરના શેર્સમાં સૌથી વધુ ઉછાળો નોંધાયો હતો. સેન્સેક્સ 2.70 ટકા (1564.45 પોઈન્ટ) ઉછળી 59537.07, નિફ્ટી 2.58 ટકા (446.40 પોઈન્ટ) વધી 17759.30 પર બંધ રહ્યો હતો. આ સાથે રોકાણકારોની મૂડી 5.69 લાખ કરોડ વધી હતી. વિદેશી રોકાણકારો ફેડની જાહેરાતની રાહ જોઈ રહ્યા હતાં. ફેડ દ્વારા આક્રમક પગલાં લેવાતાં જ વિદેશી રોકાણકારો ભારતીય બજાર તરફ ડાયવર્ટ થઈ શકે છે. તદુપરાંત રિલાયન્સ એજીએમમાં મોટી-મોટી ની રૂ. જાહેરાતોના પગલે રિલાયન્સના શેરમાં સૌથી વધુ વોલ્યૂમ જોવા મળ્યા હતા.
તમામ સેક્ટોરલ ઈન્ડેક્સમાં સુધારો
ઇન્ડેક્સ | સુધારો (ટકા) |
રિયાલ્ટી | 3.51 ટકા |
બેન્કેક્સ | 3.33 ટકા |
ફાઈનાન્સ | 3.18 ટકા |
આઇટી | 2.28 |
ટેકનોલોજી | 2.19 |
ટેલિકોમ | 2.28 |
કેપિટલ ગુડ્સ | 1.55 |
કન્ઝ્યુમર ડ્યુરે. | 2.44 |
મેટલ | 2.15 |
ઓઇલ | 2.65 |
માર્કેટ બ્રેડ્થ પોઝિટીવ
સેન્સેક્સ પેકની 30 સ્ક્રિપ્સ પૈકી તમામમાં 0.78 ટકાથી 5.47 ટકા સુધીનો સુધારો જોવા મળ્યો હતો. બીએસઈ ખાતે ટ્રેડેડ 3552 સ્ટોક્સ પૈકી 2328માં સુધારો, 1098માં ઘટાડો જ્યારે 220 સ્ક્રિપ્સ વર્ષની ટોચે અને 22 સ્ક્રિપ્સ વર્ષના તળિયે નોંધાઈ હતી. જે માર્કેટ બ્રેડ્થ પોઝિટીવ સાથે તેજીનો સંકેત આપે છે.
એફઆઈઆઈઃ | 4165.86 કરોડની નેટ ખરીદી |
ડીઆઈઆઈઃ | 656.72 કરોડની નેટ વેચવાલી |
રૂપિયામાં વર્ષનો સૌથી મોટો સુધારો
વિદેશી રોકાણકારોની મોટાપાયે ખરીદીના પગલે ડોલર સામે રૂપિયો મજબૂત બન્યો હતો. આજે ડોલર સામે રૂપિયો 51 પૈસા સુધર્યો હતો. જે 27 ઓગસ્ટ, 2021 બાદનો સૌથી મોટો સુધારો છે. ગઈકાલે ફેડના નિવેદનોના પગલે રૂપિયો ડોલર સામે 80.12ની રેકોર્ડ લો સપાટીએ પહોંચ્યો હતો. જો કે, અંતે 79.96 પર બંધ રહ્યો હતો. આજે રૂપિયો 51 પૈસા સુધરી 79.45 પર બંધ આપ્યુ હતું.