સેન્સેક્સમાં 231 પોઇન્ટની રાહત રેલી, નિફ્ટી 17200 ક્રોસ

સેન્સેક્સ પેકની 20 સ્ક્રીપ્સમાં સુધારા સામે 10 સ્ક્રીપ્સમાં ઘટાડો
કુલ ટ્રેડેડ 3664 પૈકી 1177 સ્ક્રીપ્સમાં સુધારો, 2334માં ઘટાડો
21 સ્ક્રીપ્સમાં તેજીની અને 5 સ્ક્રીપ્સમા મંદીની સર્કીટ નોંધાઇ
161 સ્ક્રીપ્સમાં વર્ષની ટોચની અને 87 સ્ક્રીપ્સમાં વર્ષની બોટમ

ભારતીય શેરબજારોમાં નાણાકીય વર્ષ 2021-22 સમાપ્તિ તરફ ધસી રહ્યું છે. તેમ તેમ માર્કેટના ખેલાડીઓમાં સેન્સેક્સ, નિફ્ટી તેમજ વિવિધ સેક્ટોરલ્સમાં સ્ટોક સ્પેસિફિક ગતિવિધિઓ ઉપર નજર વધી રહી છે. સેન્સેક્સ આજે 231.29 પોઇન્ટની રાહત રેલી સાથે 57593.49 પોઇન્ટની સપાટીએ બંધ રહ્યો હતો. જ્યારે નેશનલ સ્ટોક એક્સચેન્જનો નિફ્ટી-50 તેની 17200 પોઇન્ટની મહત્વની રેઝિસ્ટન્સ ક્રોસ કરી બંધ રહ્યો હતો. સ્મોલકેપ અને મિડકેપની સાધારણ નબળાઇની સાથે સાથે હેલ્થકેર, આઇટી સેક્ટરમાં પણ ધીમો ઘટાડો જોવા મળ્યો હતો. જ્યારે બેન્કિંગ, ટેલિકોમ, ઓઇલ એન્ડ ગેસ, રિયાલ્ટી તેમજ એનર્જી સેક્ટર્સમાં સુધારાની ચાલ હતી. નિફ્ટી 17200 પોઇન્ટ અને સેન્સેક્સ 57,600 પોઇન્ટની નજીક બંધ રહ્યા હતા. બીએસઈ મિડકેપ ઈન્ડેક્સ 0.40 ટકા ઘટીને 23,695.92 પોઇન્ટ જ્યારે બીએસઈ સ્મૉલકેપ ઈન્ડેક્સ 0.53 ટકા ઘટાડાની સાથે 27,653.23 પોઇન્ટે બંધ રહ્યો હતો.

સેન્સેક્સ- નિફ્ટીની સોમવારની ચાલ એક નજરે

વિગત સેન્સેક્સ નિફ્ટી

શુક્રવારે 57362.20 17153.00

આજે ખુલી 57472.72 17181.85

આજે વધી 57638.34 17235.10

આજે ઘટી 56825.09 17003.90

આજે બંધ 57593.49 17222.00

આજે સુધારો 231.39 69.00