Tamilnad Mercantile Bankનો નફો 12% વધી 261 કરોડ

અમદાવાદ, 24 જુલાઇઃ તમિલનાડ મર્કેન્ટાઈલ બેન્કે ચાલુ નાણાકીય વર્ષના પ્રથમ ત્રિમાસિકમાં રૂ. 261.23 કરોડનો ચોખ્ખો નફો નોંધાવ્યો છે. જે ગતવર્ષે સમાનગાળામાં રૂ. 234.21 કરોડ સામે 11.54 ટકા વધ્યો છે. જ્યારે કંપનીની કુલ ડિપોઝીટ 8.73 ટકા વધી રૂ. 47008 કરોડ થઈ છે. ગતવર્ષે રૂ. 43233 કરોડ હતી. કુલ એડવાન્સિસ રૂ. 33823 કરોડ રહી હતી. કુલ બિઝનેસ ગ્રોથ 10.26 ટકા વધ્યો છે. બેન્કે કૃષિ, એમએસએમઈ, એજ્યુકેશન, હાઉસિંગ સહિતના પ્રાથમિક સેક્ટર્સમાં કુલ લોન ફાળવણીના 75 ટકા લોન ફાળવી છે. જેમાં 12 ટકા ગ્રોથ નોધાયો છે. કૃષિ સેક્ટરમાં 12231 કરોડ અને એમએસએમઈ સેક્ટરમાં 13311 કરોડની લોન ફાળવી છે.

નેટ એનપીએ ઘટી 0.66 ટકા નોંધાવાઇ

તમિલનાડ મર્કેન્ટાઈલ બેન્કની ગ્રોસ એનપીએ 1.56 ટકા થઈ છે. જે ગતવર્ષે 1.69 ટકા હતી. જ્યારે નેટ એનપીએ 0.93 ટકાથી સુધરી 0.66 ટકા થઈ છે. પ્રોવિઝન કવરેજ રેશિયો 90.49 ટકા થયો છે. આ સાથે એનબીએફસીની શેરદીઠ કમાણી રૂ. 16.50 નોંધાઈ છે. ચાલુ નાણાકીય વર્ષના પ્રથમ ત્રિમાસિકમાં બેન્કે કુલ 6 નવી બ્રાન્ચ શરૂ કરી છે. તેમજ એમએસએમઈના ઉભરતા બજાર પર વધુ ફોકસ વધારી ચેન્નઈ, મદુરાઈ, કોઈમ્બતુર, અને થોથુકુડી ખાતે MSME Loan પ્રોસેસિંગ હબ શરૂ કર્યા છે.

બેન્કનું ત્રિમાસિક પરિણામ