સંવત 2078: 44 IPO મારફત રૂ. 97 હજાર કરોડ એકત્ર થયા
![](https://businessgujarat.in/wp-content/uploads/2022/10/IPO-9-1.jpg)
70 ટકા IPOમાં રોકાણકારોને એવરેજ 58 ટકા રિટર્ન મળ્યું
12 IPOએ નેગેટીવ લિસ્ટિંગ કરાવ્યું, જેમાંથી 4 માં પોઝિટીવ રિટર્ન
8 IPOએ ડિસ્કાઉન્ટમાં લિસ્ટિંગ કરાવી અત્યારસુધીમાં ક્યારેય ન વધ્યા
18 IPO લિસ્ટિંગ ગેઈન સામે બમણાથી વધુ રિટર્ન આપતા થયા
15 IPOમાં લિસ્ટિંગ ગેઈનથી રિટર્ન અડધુ થયું
અમદાવાદઃ સંવત 2078માં બીએસઈ IPO ઈન્ડેક્સ 44.18 ટકા તૂટ્યો હતો. જો કે, 70 ટકા IPOએ એવરેજ 58.21 ટકા રિટર્ન આપી રોકાણકારોને રાજીના રેડ કરી દીધાં છે. વિદાય લઇ રહેલાં વિક્રમ સંવત 2078માં કુલ 44 IPOએ રૂ. 97613.7 કરોડ એકત્ર કર્યા હતા. જેમાંથી 31 IPOમાં 5થી 200 ટકા સુધી પોઝિટીવ, જ્યારે 13 IPOમાં એવરેજ 34 ટકા નેગેટીવ રિટર્ન જોવા મળ્યુ હતું. માત્ર 12 IPOએ જ નેગિટિવ લિસ્ટિંગ કરાવ્યું હતું. જ્યારે 28 IPOમાં બેન્ક એફડી કરતાં થોડું વધુ અને 4માં 1થી 5 ટકા રિટર્ન મળ્યું હતું.
અદાણી વિલમરનો આઇપીઓ 197 ટકા રિટર્ન સાથે ટોપ પર્ફોર્મર
IPO | ઈશ્યૂ પ્રાઈઝ (રૂ.) | બંધ (રૂ.) | ઉછાળો (ટકામાં) |
અદાણી વિલમર | 230 | 682 | 196.52 |
વેરાન્ડા | 137 | 337 | 145.8 |
ડેટા પેટર્ન્સ | 585 | 1332 | 127.75 |
વિનસ પાઈપ્સ | 326 | 733 | 124.98 |
કેમ્પસ એક્ટિવ વેર | 292 | 590 | 101.92 |
એલઆઇસી IPO કે સાથ સહી, આઇપીઓ કે બાદ નહિં….!!
એલઆઈસી, પેટીએમ, ફિનો પેમેન્ટ્સ સહિતના મોટા અને બહુ ગાજેલા IPOમાં નામ બડે દર્શન ખોટે જેવો ઘાટ જોવા મળ્યો છે. જેમાં રોકાણકારોએ ગોળો અને ગોફણ ખોવાનો વારો આવ્યો છે. દેશ અને એશિયાની ટોચની ઈન્સ્યોરન્સ કંપની એલઆઈસી, દેશની ટોચની ઓનલાઈન પેમેન્ટ પ્લેટફોર્મ પેટીએમ, ફિનટેક્ કંપનીઓમાં ટોચની ફિનો પેમેન્ટ્સ, એજીએસ ટ્રાન્સેક્ટ સહિતની કંપનીઓમાં લિસ્ટિંગથી આજ દિવસ સુધી ઇશ્યૂ પ્રાઇસ જેટલો પણ ભાવ જોવા મળવાનો બાકી છે. પીબી ફિનટેક્ પણ 22 ટકા પ્રિમિયમે લિસ્ટિંગ બાદથી સતત ઘટ્યો છે.
નામ બડે ઔર દર્શન ખોટે…. ખાયા પિયા કુછ નહિં, ગિલાસ તોડા બારાઆના
IPO | ઈશ્યૂ પ્રાઈઝ | બંધ | ઘટાડો |
પેટીએમ | 2150 | 629 | 70.73 |
ફિનો પેમેન્ટ્સ | 777 | 196 | 66.05 |
પીબી ફિનટેક્ | 980 | 379 | 61.38 |
એજીએસ ટ્રાન્સેક્ટ | 175 | 80 | 54.26 |
એલઆઈસી | 949 | 589 | 73.9 |
1.15 લાખ કરોડથી વધુની સાઈઝના 80 IPOને સેબીની મંજૂરી
કેલેન્ડર વર્ષ- 2022માં 1.15 લાખ કરોડથી વધુની કિંમતના અંદાજિત 80 IPOને સેબીની મંજૂરી મળી
39 કંપનીઓ રૂ. 70 હજાર કરોડથી વધુનું ફંડ IPO હેઠળ એકત્રિત કરવા મંજૂરીની રાહ જોઈ રહી છે
IPO માર્કેટમાં 120 કંપનીઓ 2 લાખ કરોડ એકત્ર કરવા માટે વોલેટિલિટી ઘટે તેની રાહ જૂએ છે
74 IPO નવા વર્ષની શરૂઆતથી છ માસની અંદર યોજાય તેવી શક્યતા છે
સંવત 2079ની શરૂઆતમાં 7 હજાર કરોડના IPO પાઇપલાઇનમાં
IPO | ઈશ્યૂ સાઈઝ (રૂ.માં) | તારીખ |
ડીસીએક્સ સિસ્ટમ્સ | 500 કરોડ | 31 ઓક્ટોબર-2 નવેમ્બર |
બિકાજી ફૂડ્સ* | 1000 કરોડ | 3 નવેમ્બર-7 નવેમ્બર |
રૂસ્તમજી Keystone* | 840 કરોડ | 9 નવેમ્બર-11 નવેમ્બર |
યુનિપાર્ટ્સ ઈન્ડિયા* | – | – |
લેન્ડમાર્ક કાર્સ* | 762 કરોડ | – |
ગોલ્ડ પ્લસ ગ્લાસ* | 300 કરોડ+ | – |
ફાઈવ સ્ટાર બિઝનેસ* | 2752 કરોડ | – |
(નોંધઃ * IPO સાઈઝ અને તારીખ અંદાજિત છે.)