VISHAL NIRMITI LIMITED એ DRHP પુનઃફાઇલ કર્યું

અમદાવાદ, 2 જાન્યુઆરી: વિશાલ નિર્મિતી લિમિટેડે પ્રારંભિક જાહેર ભરણા (IPO) માટે સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (SEBI)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. આ પહેલાં કંપનીએ સપ્ટેમ્બર 2025માં સેબીમાં તેનું ડીઆરએચપી ફાઇલ કર્યું હતું.

કંપનીના પ્રસ્તાવિત IPOમાં રૂ. 125 કરોડ સુધીના પ્રતિ શેર રૂ. 10ની મૂળ કિંમતના ઇક્વિટી શેર્સનો ફ્રેશ ઇશ્યૂ તેમજ પ્રમોટર ગ્રૂપ સેલિંગ શેરહોલ્ડર વર્મન પ્રિસ્ટિયરિંગ દ્વારા 15,00,000 ઇક્વિટી શેર્સનો ઓફર ફોર સેલ (OFS) સામેલ છે.

IPOમાંથી પ્રાપ્ત ભંડોળનો ઉપયોગ કાર્યકારી મૂડીની જરૂરિયાતોને પૂર્ણ કરવા, કોર્પોરેટના સામાન્ય હેતુઓ માટે તથા લોનની સંપૂર્ણ અથવા આંશિક ચૂકવણી માટે કરવાની દરખાસ્ત છે.

1994માં સ્થાપિત અને તેના ચેરમેન બ્રિજ બી તાપડિયા અને પ્રોફેશનલ મેનેજમેન્ટ ટીમના નેતૃત્વ હેઠળ કંપની રેલવે માટે પ્રી-સ્ટ્રેસ્ડ કોંક્રિટ (PSC) સ્લિપર્સ, પ્રીકાસ્ટ અને પ્રીસ્ટ્રેસ્ડ કોંક્રિટ પ્રોડક્ટ્સ તેમજ પંપ્ડ સ્ટોરેજ પ્રોજેક્ટ માટે માઇલ્ડ સ્ટીલ પાઇપ અને પેનસ્ટોક પાઇપ્સના ફેબ્રિકેશન અને ઇરેક્શનના ઉત્પાદનમાં કાર્યરત છે. વિશાલ નિર્મિતી દ્વારા રેલવે ઇન્ફ્રાસ્ટ્રક્ચર, સિંચાઇ અને માળખાકીય વિકાસ પ્રોજેક્ટ્સ માટે એન્જિનિયરીંગ, પ્રોક્યોરમેન્ટ એન્ડ કન્સ્ટ્રક્શન (EPC) સેવાઓ પણ પૂરી પાડવામાં આવે છે.

છેલ્લાં ત્રણ નાણાકીય વર્ષોમાં વીએનએલે મજબૂત વૃદ્ધિ અને નફાકારકતામાં સુધારો દર્શાવ્યો છે. કંપનીએ નાણાકીય વર્ષ 2023માં કામગીરીમાંથી રૂ. 266.64 કરોડની આવક નોંધાવી છે, જે નાણાકીય વર્ષ 2024માં રૂ. 242.88 કરોડ તેમજ નાણાકીય વર્ષ 2025માં રૂ. 318.52 કરોડ થઇ છે, જે કામગીરીમાં સુધારો અને વધારો દેખાય છે.

પ્રોફિટ આફ્ટર ટેક્સ નાણાકીય વર્ષ 2023ના રૂ. 3.01 કરોડથી વધીને નાણાકીય વર્ષ 2024માં રૂ. 3.45 કરોડ અને નાણાકીય વર્ષ 2025માં રૂ. 23.64 કરોડ થયો છે, જેને સંચાલકીય કાર્યક્ષમતાનો લાભ મળ્યો છે.30 સપ્ટેમ્બર, 2025ના રોજ સમાપ્ત થયેલાં છ મહિના માટે કંપનીની કામગીરીમાંથી આવક રૂ. 135.24 કરોડ તથા પ્રોફિટ આફ્ટર ટેક્સ રૂ. 8.41 કરોડ થયો છે. રેલવે સ્લિપર માર્કેટ નાણાકીય વર્ષ 2025માં 271.4 મિલિયન યુનિટથી વધીને નાણાકીય વર્ષ 2030 સુધીમાં 323.8 મિલિયનના સ્તરે પહોંચવાનો અંદાજ છે, જે 3.8 ટકાનો CAGR દર્શાવે છે.

સેફ્રોન કેપિટલ એડવાઇઝર્સ પ્રાઇવેટ લિમિટેડ ઇશ્યૂના એકમાત્ર બેંકર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)