VMS ઈન્ડસ્ટ્રીઝનો નફો 152.9 ટકા વધી રૂ. 6.3 કરોડ, રૂ. 0.50નું પહેલું વચગાળાનું ડિવિડન્ડ
અમદાવાદ, 5 જુલાઇ: ગુજરાત સ્થિત વીએમએસ ઈન્ડસ્ટ્રીઝ લિમિટેડએ નાણાંકીય વર્ષ 2024 માટે અત્યાર સુધીની સૌથી વધુ રૂ. 266.37 કરોડની વાર્ષિક આવક નોંધાવી છે જે નાણાંકીય વર્ષ 2023માં રૂ. 140.39 કરોડની આવકની સરખામણીએ વાર્ષિક ધોરણે 89.7 ટકાનો વધારો દર્શાવે છે. ચોખ્ખો નફો વધીને રૂ. 6.32 કરોડ (રૂ. 2.50 કરોડ) થયો છે જે 152.9 ટકાની વૃદ્ધિ દર્શાવે છે. એબિટા રૂ. 10.54 કરોડ (રૂ. 5.02 કરોડ) થવા સાથે 110 ટકાની વૃદ્ધિ દર્શાવે છે. કંપનીએ આશરે રૂ. 168 કરોડના નવા ઓર્ડર પણ મેળવ્યા છે.
3 જુલાઈ, 2024ના રોજ યોજાયેલી બેઠકમાં બોર્ડ ઓફ ડિરેક્ટર્સે નાણાંકીય વર્ષ 2024-25 માટે રૂ. 10ની ફેસ વેલ્યુ પર શેર દીઠ રૂ. 0.50ના પ્રથમ વચગાળાના ડિવિડન્ડની જાહેરાત કરી હતી.
વીએમએસ ઈન્ડસ્ટ્રીઝ લિમિટેડના મેનેજિંગ ડિરેક્ટર મનોજકુમાર જૈને જણાવ્યું હતું કે અમારી વ્યૂહાત્મક પહેલોએ નોંધપાત્ર પરિણામો આપ્યા છે, જેમ કે આવક અને નફાકારકતામાં નોંધપાત્ર વધારો થયો છે. આગળ જતાં, અમે શિપ રિસાયક્લિંગ બિઝનેસ અને એસેટ ડિસમેંટલિંગ બિઝનેસમાં અપેક્ષિત વૃદ્ધિને કારણે મુખ્ય સેગમેન્ટ્સમાં મજબૂત આવકની કામગીરીની અપેક્ષા રાખીએ છીએ.
ભાવિ તકો: છેલ્લા 10 વર્ષમાં વિશ્વભરમાં 7,000થી વધુ જહાજોનું રિસાયકલ કરવામાં આવ્યું છે, જેમાંથી ભારતમાં 35 ટકાથી વધુ જહાજોનું રિસાયકલ કરવામાં આવ્યું છે અને આગામી 10 વર્ષમાં આ આંકડો બમણો થવાની ધારણા છે. ડિસેમ્બર 1991માં સ્થાપિત વીએમએસ ઈન્ડસ્ટ્રીઝ લિમિટેડ જહાજોને રિસાયકલ કરે છે, જહાજોને લગતા ઉત્પાદનોની નિકાસ કરે છે અને જહાજોને ખરીદે છે અને તોડે છે. કંપની ફેરસ અને નોન-ફેરસ મેટલ્સમાં પણ વેપાર કરે છે. વીએમએસઆઈનું મુખ્ય મથક ભારતના અમદાવાદમાં છે. કંપની ISO 9001:2008, ISO14001:2004, ISO 30000-2009 અને OHSAS18001:2007 દ્વારા તેના શિપ રિસાયક્લિંગ અને ઓફશોર બિઝનેસ માટે પ્રમાણિત છે.કંપનીએ મે 2024ના મહિનામાં તેની વિસ્તરણ યોજનાઓને ભંડોળ પૂરું પાડવા, કાર્યકારી મૂડીની જરૂરિયાતોને પહોંચી વળવા અને સામાન્ય કોર્પોરેટ હેતુઓ માટે રૂ. 28 કરોડનો રાઇટ્સ ઇશ્યૂ લોન્ચ કર્યો હતો. રાઇટ ઈશ્યૂ ઓફરના 1.25 ગણા પર પૂર્ણપણે સબસ્ક્રાઈબ થયો હતો.
Financial Highlights (Rs. crore)
| Particulars | 12 Months FY 24 | 12 Months FY 23 | % Change |
| Revenue | 266.37 | 140.39 | 89.7% |
| EBITDA | 10.54 | 5.02 | 110.1% |
| Profit Before Tax | 8.45 | 2.98 | 183.1% |
| Profit After Tax | 6.32 | 2.50 | 152.9% |
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
