WOG Technologies Limitedએ DRHP ફાઇલ કર્યું

અમદાવાદ, 2 જાન્યુઆરી: WOG Technologies Limitedએ બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (SEBI)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે.

WOG Technologies Limitedએ ઇન્ટિગ્રેટેડ એનવાયર્નમેન્ટલ એન્જિનિયરીંગ અને ટેક્નોલોજી કંપની છે, જે તેના વિવિધ ઇન્ડસ્ટ્રીયલ અને મ્યુનિસિપલ ક્લાયન્ટ્સ માટે વિશ્વભરમાં ટકાઉ ઇન્ફ્રાસ્ટ્રક્ચરનું નિર્માણ કરે છે તેમજ વોટર ટ્રીટમેન્ટ, ઓઇલ સેપરેશન, વેસ્ટવોટર રિસાઇકલિંગ અને સપ્લીમેન્ટરી બાયોગેસ જનરેશનમાં સ્પેશિયલાઇઝ્ડ સર્વિસિસ પૂરી પાડે છે.

કંપની પોતાના પ્રારંભિક જાહેર ભરણા (IPO) દ્વારા ઇક્વિટી શેર્સ (પ્રતિ શેર રૂ. 10ની મૂળ કિંમત) ઓફર કરીને ભંડોળ એકત્ર કરવાની યોજના ધરાવે છે. આ ઓફરમાં રૂ. 375 કરોડ સુધીના ઇક્વિટી શેર્સનો ફ્રેશ ઇશ્યૂ તથા સેલિંગ શેરહોલ્ડર્સ દ્વારા 4,328,000 ઇક્વિટી શેરનો ઓફર ફોર સેલ સામેલ છે.

WOG Technologies ફ્રેશ ઇશ્યૂમાંથી પ્રાપ્ત ભંડોળમાંથી અંદાજે રૂ. 220 કરોડ કાર્યકારી મૂડીની જરૂરિયાતને પૂર્ણ કરવા, બેલ કૂલિંગ ટાવર્સ પ્રાઇવેટ લિમિટેડમાં અંદાજે રૂ. 45 કરોડમાં 50 ટકા શેરહોલ્ડિંગ હસ્તગત કરવા અને બાકીની રકમનો ઉપયોગ કોર્પોરેટના સામાન્ય હેતુઓ માટે કરવાની દરખાસ્ત છે.

રેડ હેરિંગ પ્રોસ્પેક્ટસ દ્વારા ઓફર કરાતા ઇક્વિટી શેર્સ બીએસઇ લિમિટેડ (બીએસઇ) અને નેશનલ સ્ટોક એખ્સચેન્જ ઓફ ઇન્ડિયા લિમિટેડ (એનએસઇ) ઉપર લિસ્ટ કરવાની દરખાસ્ત છે.

યુનિસ્ટોન કેપિટલ પ્રાઇવેટ લિમિટેડ ઇશ્યૂના એકમાત્ર બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)