Zomato: એચએસબીસીએ રૂ. 150નો ટાર્ગેટ આપતાં શેર વર્ષની ટોચે પહોંચ્યો, જાણો શું કહે છે બ્રોકેરજ હાઉસ

અમદાવાદ, 11 જાન્યુઆરીઃ વૈશ્વિક બ્રોકરેજ ફર્મ HSBC એ ઝોમેટો શેર પર “બાય” રેટિંગ જારી કર્યા બાદ Zomatoનો શેર 2 ટકાથી વધુ વધીને રૂ. 137.5ની 52-સપ્તાહની ઊંચી સપાટીએ પહોંચ્યો હતો. એચએસબીસીએ ઝોમેટોની ટાર્ગેટ પ્રાઈસ રૂ. 150 સુધી વધાર્યો હતો, જે વર્તમાન સ્તરોથી 9 ટકા વધુ છે.

છેલ્લા એક મહિનામાં ફૂડ-ડિલિવરી પ્લેટફોર્મનો સ્ટોક બેન્ચમાર્ક સેન્સેક્સમાં 2 ટકાના વધારા સામે 15 ટકાથી વધુ વધ્યો છે. HSBCના વિશ્લેષકોએ જણાવ્યું હતું કે કેલેન્ડર વર્ષ 2024માં સંભવિત સ્થિર વૃદ્ધિ છતાં Zomatoનો લાંબા ગાળાનો દૃષ્ટિકોણ રચનાત્મક રહે છે.

“ઝોમેટોનો કોમર્શિયલ બિઝનેસ ઝડપથી સતતત ગ્રોથ કરી રહ્યો છે. ઝડપી વાણિજ્ય વૃદ્ધિમાં કોઈપણ મંદી એ મુખ્ય નુકસાનનું કારણ બની શકે છે.”

ઈલારા સિક્યોરિટીઝના વિશ્લેષકોએ ઝોમેટો પર “ખરીદો” રેટિંગ આપ્યું છે. જેની ટાર્ગેટ પ્રાઈસ રૂ. 150 છે. કંપનીની ઊંચી સુવિધા ફી, જાહેરાતની આવક અને રેસ્ટોરન્ટ્સનું કમિશન ફૂડ-ડિલિવરી બિઝનેસની નફાકારકતામાં સુધારો ગ્રોથના મુખ્ય પરિબળો છે.

ઝોમેટોએ ફૂડ ડિલિવરી સેવાઓ માટે તેની પ્લેટફોર્મ ફીમાં 33 ટકાનો વધારો કર્યો છે, જે 1 જાન્યુઆરીથી અમલી બનેલા મુખ્ય બજારોમાં ઓર્ડર દીઠ રૂ. 3થી વધારીને રૂ. 4 કરી છે.

તેણે ઓગસ્ટ 2023માં ઓર્ડર દીઠ રૂ. 2ની સુવિધા ફી વસૂલવાનું શરૂ કર્યું, જે મહિનાના અંત સુધીમાં વધારીને રૂ. 3 કરવામાં આવ્યું. FY24ના Q2માં ટેક રેટમાં (19.4 ટકા, ડિલિવરી ચાર્જને બાદ કરતાં) ક્વાર્ટર-ઓન-ક્વાર્ટરમાં 60 bp અને વાર્ષિક ધોરણે 220 bpની વૃદ્ધિના ડ્રાઇવરોમાંની એક સુવિધા ફી છે.

બીએસઈ ખાતે 1.93 ટકા ઉછાળા સાથે ઝોમેટો લિ.નો શેર 137.25 પર ટ્રેડ થઈ રહ્યો હતો.