અદાણી ન્યૂ ઈન્ડસ્ટ્રીઝ (ANIL) દ્વારા મુંદ્રામાં સોલારના પાર્ટ્સનું ઉત્પાદન શરૂ

અમદાવાદ, 9 ઓક્ટોબરઃ અદાણી એન્ટરપ્રાઇઝિસની ગ્રીન એનર્જી કમ્પોનન્ટ્સ મેન્યુફેક્ચરિંગ શાખા અદાણી ન્યૂ ઇન્ડસ્ટ્રીઝ લિમીટેડ (ANIL) અદાણી ગ્રુપ મુન્દ્રા સ્પેશિયલ ઈકોનોમિક ઝોનમાં સોલાર સેલ અને મોડ્યુલ મેન્યુફેક્ચરિંગ માટેના મુખ્ય ભાગોના ઉત્પાદન માટે વિશેષ સુવિધાઓ ઊભી કરી છે.  કંપની પ્રવક્તાના જણાવ્યા અનુસાર આ યોજના સૌર સેલ અને મોડ્યુલ મેન્યુફેક્ચરિંગ લાઇનને ટેકો આપવા માટે પોતાની સપ્લાય ચેઇન બનાવવા અંગે કેન્દ્રિત છે. ANIL હાલમાં પોલિસીલિકોન વેફર્સ, ઇંગોટ્સ, સેલ અને મોડ્યુલ્સનું ઉત્પાદન કરી રહી છે, જે સોલાર મોડ્યુલ ઉત્પાદનમાં જરૂરી સાધનો માટે એન્ડટો-એન્ડ સિસ્ટમ બનાવે છે.

ફ્રેન્ચ એનર્જી જાયન્ટ ટોટલ એનર્જીસ ANIL માં 25 ટકા હિસ્સો ધરાવે છે જ્યારે અદાણી એન્ટરપ્રાઈઝ બાકીનો હિસ્સો ધરાવે છે. તાજેતરમાં અદાણી ગ્રૂપ દ્વારા સપ્લાય ચેઇન સોલ્યુશન્સ અને પ્રોજેક્ટ મેનેજમેન્ટ સેવાઓ પ્રદાન કરવા માટે ચીનમાં પણ સબસિડિયરી કંપનીની રચના કરી છે. અદાણી ગ્રુપના સૌર ઊર્જા ઉત્પાદન એકમ સાથે સંકળાયેલા સૂત્રોએ જણાવ્યું હતું કે કંપની પાસે 3000 મેગાવોટથી વધુની નિકાસ ઓર્ડર બુક છે.

અદાણી ઇન્ફ્રાસ્ટ્રક્ચર પ્રાઇવેટ લિમિટેડ અને મુન્દ્રા સોલર ટેક્નોલોજી લિમિટેડને માલિકીની પેટાકંપની અદાણી ન્યૂ ઇન્ડસ્ટ્રીઝ લિમિટેડ સાથે મર્જ કરવામાં આવી છે. એનર્જી સેક્ટરમાં વિસ્તરણ માટે લીધેલા મહત્વના નિર્ણય અંતર્ગત બે પેટાકંપની એકમોને અદાણી ન્યૂ ઇન્ડસ્ટ્રીઝ લિમિટેડ (ANIL) સાથે મર્જ કર્યા છે, જે ગ્રીન હાઇડ્રોજન અને વિન્ડ ટર્બાઇન મેન્યુફેક્ચરિંગ કંપની છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)