એશિયન પેઇન્ટ્સનો Q4 નફો 1.3% વધીને રૂ. 1,275 કરોડ, રૂ. 28.15 અંતિમ ડિવિડન્ડ

અમદાવાદ, 9 મેઃ એશિયન પેઇન્ટ્સે માર્ચ ક્વાર્ટરમાં રૂ. 1,275.3 કરોડનો એકીકૃત ચોખ્ખો નફો નોંધાવ્યો હતો, જે એક વર્ષ અગાઉના રૂ. 1258.41 કરોડથી 1.3 ટકાનો વધારો દર્શાવે છે.

કંપનીની કુલ આવક રૂ. 8,730.76 કરોડ રહી હતી, જે ગયા વર્ષના રૂ. 8,787.34 કરોડથી 0.64 ટકા ઘટી છે. અગ્રણી બ્રોકરેજ હાઉસના અંદાજો અનુસાર  ગયા ત્રિમાસિક ગાળામાં ટોપલાઈન રૂ. 9,017 કરોડ પર આવવાની ધારણા હતી, જે એક વર્ષ અગાઉના સમાન ક્વાર્ટરમાં રૂ. 8,787 કરોડની સરખામણીમાં 2.6 ટકા વધુ છે. માર્ચ ક્વાર્ટરમાં ટેક્સ પછીનો નફો રૂ. 1,313 કરોડની આસપાસ અપેક્ષિત હતો, જે ગયા વર્ષના રૂ. 1,258 કરોડથી 4.4 ટકા વધુ છે. ક્વાર્ટર માટે વ્યાજ, કર, ઘસારા અને ઋણમુક્તિ (EBIDTA) પહેલાંની કમાણી 9.3 ટકા ઘટીને રૂ. 1,692 કરોડ હતી. EBITDA માર્જિન વાર્ષિક ધોરણે 170 bps ઘટીને 21.1 ટકા થયું છે. બોર્ડે ઑક્ટોબર 2023માં જાહેર કરાયેલા 5.15 રૂપિયા પ્રતિ શેરના વચગાળાના ડિવિડન્ડ ઉપરાંત 28.15 રૂપિયા પ્રતિ શેરનું અંતિમ ડિવિડન્ડ સૂચવ્યું હતું. FY’24 માટે કુલ ડિવિડન્ડ 60 ટકાના પેઆઉટ રેશિયો સાથે શેર દીઠ રૂપિયા 33.30 છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)