ક્રિપ્ટો કરન્સી પર પ્રતિબંધ મૂકવો એ એક વિકલ્પઃ IMF

નવી દિલ્હીઃ ઇન્ટરનેશનલ મોનેટરી ફંડના વડાએ ખાનગી ક્રિપ્ટોકરન્સી પર પ્રતિબંધ મૂકવાનો વિકલ્પ અપનાવવા ભલામણ કરી છે. ભારતનું G20 પ્રમુખપદ એવા સમયે આવે છે જ્યારે તેના દક્ષિણ એશિયાના પડોશીઓ શ્રીલંકા, બાંગ્લાદેશ અને પાકિસ્તાન કોવિડ-19 રોગચાળા અને રશિયા-યુક્રેન યુદ્ધને કારણે આર્થિક મંદીને કારણે તાત્કાલિક IMF ભંડોળની માંગ કરી રહ્યા છે. IMFના મેનેજિંગ ડિરેક્ટર ક્રિસ્ટાલિના જ્યોર્જિવાએ ભારતીય નાણાપ્રધાન નિર્મલા સીતારમણ સાથેની બેઠક બાદ પત્રકારોને જણાવ્યું હતું કે, “દેવાનાં પુનગર્ઠન પર હજુ પણ કેટલાક મતભેદો છે, પબ્લિક અને પ્રાઈવેટ લેણદારોની ભલામણોને ધ્યાનમાં લેવા સૂચન કરવામાં આવ્યું છે.

દેશોના લાભ માટે નડતાં પડકારો દૂર કરવા પ્રતિબદ્ધતા દર્શાવી રહ્યા છે

દેવાના રિસ્ટ્રક્ચરિંગ ઉપરાંત ભારતમાં ક્રિપ્ટો કરન્સીને નિયંત્રિત કરવા ફોકસ કરવા સહમત થયા છીએ. આરબીઆઈની ડિજિટલ કરન્સી અને પ્રાઈવેટ કરન્સી જેમ કે, ક્રિપ્ટો એસેટ્સ, સ્ટેબલ કોઈન્સ વચ્ચે તફાવત કરવો પડશે. ક્રિપ્ટો માટે ખાસ નિયમો ઘડવા જોઈએ. જો નિયમો નિષ્ફળ થાય, અમલીકરણ ધીમુ પડે તો આ પ્રકારની ક્રિપ્ટો કરન્સી પર પ્રતિબંધ લાદવો જોઈએ.કારણકે, તે દેશની નાણાકીય સ્થિરતા પર જોખમ ઉભુ કરી શકે છે. વિશ્વના સૌથી મોટા દ્વિપક્ષીય લેણદાર ચીને G20 દેશોને વૈશ્વિક દેવાની સમસ્યાઓના વાજબી કારણ, ઉદ્દેશ્ય અને ઊંડાણપૂર્વક વિશ્લેષણ કરવા વિનંતી કરી હતી.