BSE 9મી ઑક્ટોબરે કિંમતી ધાતુઓ બેઝ મેટલ્સ અને એનર્જીના ફ્યુચર્સ કોન્ટ્રાક્ટ શરૂ કરશે

મુંબઈ, 6 ઑક્ટોબર: મુંબઇ શેરબજારે (BSE) કિંમતી ધાતુઓ અને ઊર્જા (WTI ક્રૂડ ઓઇલ અને બ્રેન્ટ ક્રૂડ ઓઇલ) કોન્ટ્રાક્ટ અને કોપર, ઝિંક, એલ્યુમિનિયમ જેવી બેઝ મેટલ્સ પરના ફ્યુચર્સ કોન્ટ્રાક્ટના વિકલ્પોમાં કોન્ટ્રાક્ટ 9મી ઑક્ટોબરના રોજથી શરૂ કરવાની જાહેરાત કરી છે. આના માટે એક્સચેન્જને ભારતીય સિક્યોરિટીઝ એન્ડ એક્સચેન્જ બોર્ડ તરફથી જરૂરી મંજૂરી મળી છે.

BSE ને તેના 100 દિવસ પહેલા લોન્ચ કરાયેલા સેન્સેક્સ ડેરિવેટિવ્ઝ કોન્ટ્રાક્ટ્સ માટે બજારના સહભાગીઓ તરફથી હકારાત્મક પ્રતિસાદ મળ્યો છે. આ કોન્ટ્રાક્ટ લોન્ચ થયા બાદ 300 થી વધુ સભ્યોએ વ્યવહારો કર્યા છે.

આ કોમોડિટી કોન્ટ્રાક્ટ્સ માર્કેટ પાર્ટિસિપન્ટ્સ (ખાસ કરીને કોર્પોરેટ, વેલ્યુ ચેઈન પાર્ટિસિપન્ટ્સ અને વિદેશી પોર્ટફોલિયો ઈન્વેસ્ટર્સ)ને વોલેટિલિટી સામે તેમની કોમોડિટી કિંમતના જોખમને મેનેજ કરવાની એક કાર્યક્ષમ રીત પ્રદાન કરશે.