GJEPCએ કિરીટ ભણસાલીની ચેરમેન તરીકે, શૌનક પરીખને વાઇસ ચેરમેન તરીકે નિયુક્ત કર્યા

નવી દિલ્હી, 22 ફેબ્રુઆરી: જેમ એન્ડ જ્વેલરી એક્સપોર્ટ પ્રમોશન કાઉન્સિલ (GJEPC)એ COA ચૂંટણી 2024ની પૂર્ણાહુતિ બાદ કિરીટ ભણસાળીની ચેરમેન તરીકે નિમણૂકની જાહેરાત કરી છે, વાઈસ ચેરમેન તરીકે શૌનક પરીખની જાહેરાત કરાઈ છે તથા નવી વહીવટી સમિતિ (સીઓએ)ની રચનાની જાહેરાત કરી છે. GJEPCના ચેરમેન કિરીટ ભણસાળીએ જણાવ્યું કે, “અમારું વિઝન વ્યૂહાત્મક પહેલ, નવીન પ્રોજેક્ટ્સ અને સહયોગાત્મક પ્રયાસો દ્વારા ભારતના જેમ્સ અને જ્વેલરી ઉદ્યોગ માટે પરિવર્તનકારક વૃદ્ધિને આગળ ધપાવવાનું છે. મુંબઈમાં ઈન્ડિયા જ્વેલરી પાર્ક અને જયપુરમાં જેમ બુર્સ જેવા ફ્લેગશિપ પ્રોજેક્ટ્સને આગળ વધારવાથી લઈને સાઉદી અરેબિયામાં સાઉદીજેક્સ અને આઈજેઈએક્સ દુબઈ જેવી પહેલો મારફત અમારી વૈશ્વિક હાજરીને વિસ્તારવા સુધી અમારો લક્ષ્ય ભારતને ટેક્નોલોજી, ડિઝાઇન અને ઉત્પાદનમાં વૈશ્વિક અગ્રણી તરીકે સ્થાન આપવાનું છે. અમે સાથે મળીને 2047 સુધીમાં 100 અબજ ડોલરના મહત્વાકાંક્ષી નિકાસ લક્ષ્યાંકને હાંસલ કરવા માટે પ્રયત્ન કરીશું.”

GJEPCના વાઇસ ચેરમેન શૌનક પરીખે જણાવ્યું કે, ઈન્ડસ્ટ્રી માટે આ નિર્ણાયક સમય છે અને આપણી સામેના પડકારો માટે બોલ્ડ વિઝન અને નિર્ણાયક પગલાં જરૂરી છે. આપણી ઈન્ડસ્ટ્રી વિશ્વના મંચ પર સ્પર્ધાત્મક રહે તે માટે તમામ વર્ટિકલ્સમાં કેટેગરીના પ્રમોશન, ઇન્ફ્રાસ્ટ્રક્ચર ડેવલપમેન્ટ, કૌશલ્ય વૃદ્ધિ અને વૈશ્વિક ધોરણોને અપનાવવા પર ધ્યાન કેન્દ્રિત કરવું આવશ્યક છે. કાઉન્સિલ સરકારને નિકટથી સહયોગ કરવાનું ચાલુ રાખશે જેથી એવી નીતિઓ ઘડવામાં આવે જે માત્ર ગ્રોથને ટેકો આપે એટલું જ નહીં, સતત વિકસતા વૈશ્વિક બજારમાં નિકાસકારોની મહત્ત્વની ચિંતાઓને પણ દૂર કરે.

સીઓએ સભ્યો 2024ની યાદી