ICICI Lombard ના પ્રથમ ત્રિમાસિક ગાળાનો ચોખ્ખો નફો રૂ. 747 કરોડે પહોંચ્યો

અમદાવાદ, 17 જુલાઇ: નાણાંકીય વર્ષ 2026ના પહેલા ત્રિમાસિક ગાળામાં કંપનીની ગ્રોસ ડાયરેક્ટ પ્રીમિયમ ઇન્કમ (GDPI) રૂ. 77.35 અબજ રહી હતી જે નાણાંકીય વર્ષ 2025ના પહેલા ત્રિમાસિક ગાળામાં રૂ. 76.88 અબજ કરતાં 0.6 ટકાનો વધારો દર્શાવે છે જેની સામે ઉદ્યોગનો વૃદ્ધિ દર 8.8 ટકા હતો. 1/n એકાઉન્ટિંગ નિયમોની અસરને બાકાત રાખતા કંપનીની જીડીપીઆઈ નાણાંકીય વર્ષ 2026ના પહેલા ત્રિમાસિક ગાળામાં 4.8 ટકા વધી હતી જેની સામે ઉદ્યોગનો વૃદ્ધિ દર 12.8 ટકા હતો.

નાણાંકીય વર્ષ 2026ના પહેલા ત્રિમાસિક ગાળામાં કમ્બાઇન્ડ રેશિયો 102.9 ટકા હતો જેની સામે નાણાંકીય વર્ષ 2025ના પહેલા ત્રિમાસિક ગાળામાં તે 102.3 ટકા હતો.નાણાંકીય વર્ષ 2025ના પહેલા ત્રિમાસિક ગાળામાં કરવેરા પહેલાનો નફો રૂ. 7.74 અબજ હતો જે નાણાંકીય વર્ષ 2026ના પહેલા ત્રિમાસિક ગાળામાં 28.4 ટકા વધીને રૂ. 9.94 અબજ થયો હતો.

નાણાંકીય વર્ષ 2025ના પહેલા ત્રિમાસિક ગાળામાં મૂડી લાભ રૂ. 2.84 અબજ હતો જે નાણાંકીય વર્ષ 2026ના પહેલા ત્રિમાસિક ગાળામાં વધીને રૂ. 3.80 અબજ થયો હતો.નાણાંકીય વર્ષ 2025ના પહેલા ત્રિમાસિક ગાળામાં ચોખ્ખો નફો રૂ. 5.80 અબજ હતો જે નાણાંકીય વર્ષ 2026ના પહેલા ત્રિમાસિક ગાળામાં 28.7 ટકા વધીને રૂ. 7.47 અબજ થયો હતો.

નાણાંકીય વર્ષ 2025ના પહેલા ત્રિમાસિક ગાળામાં રિટર્ન ઓન એવરેજ ઇક્વિટી (આરઓએઈ) 19.1 ટકા હતું જે નાણાંકીય વર્ષ 2026ના પહેલા ત્રિમાસિક ગાળામાં 20.5 ટકા રહ્યું હતું. 30 જૂન, 2025ના રોજ સોલ્વન્સી રેશિયો 2.70 ગણો હતો જે 31 માર્ચ, 2025ના રોજ 2.69 ગણો હતો જે 1.50 ગણાની લઘુતમ નિયમનકારી જરૂરિયાત કરતા ઊંચો હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)