પ્રોપર્ટી શેરનો બીજી SM REIT યોજના માટે રૂ. 473 કરોડનો IPO 21 જુલાઈએ ખૂલશે

અમદાવાદ, 17 જુલાઇ: પ્રોપર્ટી શેર ઇન્વેસ્ટમેન્ટ ટ્રસ્ટ (“SM REIT”) જે ભારતના પ્રથમ રજીસ્ટર્ડ સ્મોલ અને મીડિયમ રિયલ એસ્ટેટ ઇન્વેસ્ટમેન્ટ ટ્રસ્ટ છે. ટ્રસ્ટ હેઠળની તેમની બીજી યોજના પ્રોપશેર ટાઇટેનિયા માટે રૂ. 473 કરોડ સુધીની રકમ માટે ટ્રસ્ટની મુખ્ય માહિતી અને યોજનાની મુખ્ય માહિતી (“ઓફર દસ્તાવેજો”) દાખલ કરી છે. બિડ/ઇશ્યૂ 21 જુલાઈએ ખૂલશે અને 25 જુલાઈએ બંધ થશે. ઇશ્યૂ માટે પ્રાઇસ બેન્ડ પ્રતિ ટાઇટેનિયા યુનિટ રૂ. 10.0 લાખ થી રૂ. 10.6 લાખ છે. ન્યૂનતમ બિડ કદ રકમ રૂ. 10,00,000 છે જે લઘુત્તમ રોકાણ પણ છે. બિડર્સ દ્વારા ઓછામાં ઓછા 1 ટાઇટેનિયા યુનિટ માટે અને ત્યારબાદ 1 ટાઇટેનિયા યુનિટના ગુણાંકમાં બિડ કરી શકાય છે.

IPO માં ટાઇટેનિયા યુનિટ્સનો નવો ઇશ્યૂ શામેલ છે જેમાં કોઈ ઓફર ફોર સેલ સામેલ (“ઇશ્યૂ”) નથી. REIT રેગ્યુલેશન્સ અનુસાર નેટ ઇશ્યૂનો 75% થી વધુ હિસ્સો સંસ્થાકીય રોકાણકારોને પ્રમાણસર ફાળવણી માટે ઉપલબ્ધ રહેશે અને બાકીનો 25% નેટ ઇશ્યૂ બિન-સંસ્થાકીય રોકાણકારોને ફાળવણી માટે ઉપલબ્ધ રહેશે. પ્રોપર્ટી શેર પણ ઈન્વેસ્ટમેન્ટ મેનેજરના ફાળા તરીકે ટાઇટેનિયા યોજનાના યુનિટ્સમાં ઓછામાં ઓછા 5% રોકાણ કરશે.

પ્રોપશેર ટાઇટેનિયા થાણે, મુંબઈ મેટ્રોપોલિટન રિજનમાં સ્થિત જી કોર્પ ટેક પાર્કમાં 4,37,973 ચોરસ ફૂટ ગ્રેડ A+ ઓફિસ સ્પેસ ધરાવે છે, જેમાં LEED પ્લેટિનમ (O&M), WELL હેલ્થ એન્ડ સેફ્ટી રેટિંગ અને BEE 5-સ્ટાર સર્ટિફિકેશન સહિત ESG સર્ટિફિકેશન છે. તે 100% પર ફોર્ચ્યુન 500 કંપનીઓ, MNCs અને બ્લુ-ચિપ ભાડૂઆતો સહિત વિવિધ ભાડૂઆત પોર્ટફોલિયોનો ધરાવે છે, જેમાં આદિત્ય બિરલા કેપિટલ અને કોન્સેન્ટ્રિક્સનો સમાવેશ થાય છે. આ યોજના રોકાણકારોને FY26, FY27, FY28 માટે 9.0% અને FY29 માટે 8.7% ની અંદાજિત વળતર ઓફર કરાશે.

પ્રોપશેર ટાઇટેનિયા થાણેના મુખ્ય ઘોડબંદર રોડ પર સ્થિત છે, જે મુંબઈ મેટ્રોપોલિટન રિજનનો ભાગ છે. થાણેમાં મજબૂત સામાજિક માળખા સાથેનો વિશાળ રહેણાંક કેચમેન્ટ વિસ્તાર છે (સ્ત્રોત: JLL રિપોર્ટ)

ટ્રસ્ટના ઇન્વેસ્ટમેન્ટ મેનેજર પ્રોપર્ટી શેર ઇન્વેસ્ટમેન્ટ મેનેજર પ્રાઇવેટ લિમિટેડ છે. શૅર ખરીદી કરાર મુજબ ટાઇટેનિયા SPV ની સંપૂર્ણ ઈશ્યૂ કરાયેલ અને ચૂકવેલ ઇક્વિટી શૅર મૂડીના સંપાદન માટે રૂ. 217.00 કરોડ સુધી ચોખ્ખી આવકનો ઉપયોગ કરવાનો પ્રસ્તાવ છે; રૂ. 232.94 કરોડ ટાઇટેનિયા SPV ને લોન પૂરી પાડવા માટે, OCD (કોઈપણ ઉપાર્જિત વ્યાજ સહિત) રિડીમ કરીને ટાઇટેનિયા SPV ની ડિબેન્ચર જવાબદારીને સમાપ્ત કરવા અને રિડેમ્પશન માટે; અને સામાન્ય કોર્પોરેટ હેતુઓ માટે ઉપયોગમાં લેવાશે.

કુણાલ મોક્તન, સહ-સ્થાપક, પ્રોપર્ટી શેરે જણાવ્યું હતું કે, વોલેટાઈલ ઇક્વિટી બજારના વાતાવરણમાં, SM REITs જેવી ભાડા-ઉપજ આપતી વાણિજ્યિક સંપત્તિ રોકાણકારો માટે વૈકલ્પિક રોકાણ તક તરીકે ઉભરી

કોટક મહિન્દ્રા કેપિટલ કંપની લિમિટેડ ઇશ્યૂના એકમાત્ર લીડ મેનેજર (“BRLM”) છે અને KFin ટેક્નોલોજીસ લિમિટેડ ઇશ્યૂના રજિસ્ટ્રાર છે. ટાઇટેનિયા યુનિટ્સને BSE લિમિટેડ (“BSE”) પર લિસ્ટેડ કરવાની દરખાસ્ત છે.