અમદાવાદ, 04 નવેમ્બર:  ICICI પ્રુડેન્શિયલ લાઇફ ઇન્શ્યોરન્સે તેના યુનિટ લિંક્ડ ઇન્શ્યોરન્સ પ્લાન્સ (યુલિપ્સ) માટેનું નવું ફંડ ICICI પ્રુડેન્શિયલ લાઇફ બીએસઈ 500 એન્હાન્સ્ડ વેલ્યુ 50 ઇન્ડેક્સ ફંડ લોન્ચ કર્યું છે. આ ફંડનો ઉદ્દેશ્ય ફંડામેન્ટલની દ્રષ્ટિએ મજબૂત હોય પરંતુ હાલ તેમની સાચી સંભાવના કરતા ઓછા મૂલ્ય પર ઉપલબ્ધ હોય તેવા શેર્સ પર ધ્યાન આપીને રોકાણકારોને ભારતના આર્થિક વિકાસમાં સહભાગી થવા માટે એક પ્લેટફોર્મ પૂરું પાડવાનો છે.

આ નવું ફંડ ગ્રાહકો માટે રોકાણ કરવા માટે ખુલ્લું છે. તે BSE 500 એન્હાન્સ્ડ વેલ્યુ 50 ઇન્ડેક્સ ફંડનું પ્રતિબિંબ પાડે છે જેમાં આવક, બુક વેલ્યુ અને કિંમતની સામે વેચાણો જેવા મૂલ્ય આધારિત રોકાણ માપદંડો પર પસંદ થયેલી 50 કંપનીઓનો સમાવેશ થાય છે. આ ફંડનો ઉદ્દેશ્ય એવી કંપનીઓમાં રોકાણની તકો ઝડપવાનો છે જે ફંડામેન્ટલી મજબૂત છે પરંતુ હાલ ઓછા મૂલ્ય પર ઉપલબ્ધ છે. આ રીતે ફંડ ગ્રાહકોને લાભ પૂરો પાડે છે કારણ કે સમય જતા આ શેર્સ તેમના વાજબી મૂલ્ય સુધી પહોંચશે.

આ ઇન્ડેક્સ ફંડ એક વ્યવસ્થિત, નિયમ-આધારિત રોકાણ પ્રક્રિયાને અનુસરે છે અને લાર્જ, મિડ અને સ્મોલ-કેપ સેગમેન્ટમાં વિકસતી મૂલ્યની તકો સાથે સુસંગત રહે તે સુનિશ્ચિત કરવા માટે ત્રિમાસિક ધોરણે તેનું પુનર્ગઠન કરવામાં આવે છે. આનાથી ગ્રાહકો ઓછામાં ઓછા પ્રયત્નો અને ઓછી ટ્રેકિંગ ભૂલ સાથે વૈવિધ્યસભર પોર્ટફોલિયોનો ઉપયોગ કરી શકે છે. નિયમો સમયાંતરે  ફંડને ઇન્ડેક્સમાં તેમના વેઇટ અનુસાર તમામ શેરોમાં રોકાણ કરવા પર નિયંત્રણ લાદી શકે છે. પરિણામે, સંભવિત ટ્રેકિંગ ભૂલ હોઈ શકે છે. ઐતિહાસિક રીતે, બીએસઈ 500 એન્હાન્સ્ડ વેલ્યુ 50 ઇન્ડેક્સે 2006થી 2024 સુધીના 19માંથી 12 વર્ષમાં તેના પેરેન્ટ ઇન્ડેક્સ કરતાં વધુ સ્થિતિસ્થાપક પ્રદર્શન આપ્યું છે, જે શિસ્તબદ્ધ મૂલ્ય વ્યૂહરચનાની લાંબા ગાળાની સંભાવના દર્શાવે છે.

બીએસઈ 500 એન્હાન્સ્ડ વેલ્યુ 50 ઇન્ડેક્સ ફંડના લોન્ચ સાથે, કંપનીએ તેના ઇન્વેસ્ટમેન્ટ સોલ્યુશન્સની શ્રેણીને વધુ મજબૂત બનાવી છે જે લાંબા ગાળાના સંપત્તિ નિર્માણને વધુ સુલભ બનાવવા માટે બનાવાયેલી છે, જે ગ્રાહકોને નાણાંકીય રીતે સુરક્ષિત બનાવે છે.

 (Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)