IRCTC Q2: ચોખ્ખો નફો 30.36% વધી Rs 294.67 કરોડ થયો, શેરદીઠ રૂ. 2.50 ડિવિડન્ડ જારી

અમદાવાદ, 7 સપ્ટેમ્બરઃ ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન લિ.એ FY24ના સપ્ટેમ્બર ક્વાર્ટરમાં રૂ. 294.67 કરોડનો ચોખ્ખો નફો નોંધાવ્યો હતો, જે અગાઉના નાણાકીય વર્ષના સમાન ત્રિમાસિક ગાળામાં રૂ. 226.03 કરોડથી 30.36 ટકા વધ્યો હતો.

કંપનીની કુલ આવક રૂ. 995.31 કરોડ છે, જે એક વર્ષ અગાઉના ક્વાર્ટરમાં રૂ. 805.80 કરોડની સરખામણીએ 23.51 ટકા વધી છે. ત્રિમાસિક ગાળા માટે EBIDTA પહેલાંની કમાણી 20.2 ટકા વધીને રૂ. 366.5 કરોડ હતી. EBIDTA માર્જિન એક વર્ષ અગાઉના સમયગાળામાં 37.8 ટકાની સરખામણીએ 36.8 ટકા હતો.

બોર્ડે નાણાકીય વર્ષ 2023-24 માટે રૂ. 2ની ફેસ વેલ્યુના ઇક્વિટી શેર દીઠ રૂ. 2.50નું વચગાળાનું ડિવિડન્ડ જાહેર કર્યું છે. આ 160 કરોડ રૂપિયાની પેઇડ-અપ શેર મૂડીના 125 ટકા છે. બોર્ડે નાણાકીય વર્ષ 2023-24ના વચગાળાના ડિવિડન્ડની ચુકવણી માટે 17 નવેમ્બર, 2023  રેકોર્ડ તારીખ તરીકે નક્કી કરી હતી.

NSE પર IRCTCનો શેર 1.68 ટકા વધીને રૂ. 682.75 પર બંધ થયો હતો.

ચાલુ નાણાકીય વર્ષના બીજા ત્રિમાસિક ગાળામાં કામગીરીમાંથી ભારતીય રેલવેની ઈ-ટિકિટીંગ આર્મની આવક ₹995.3 કરોડ હતી, જે અગાઉના વર્ષના સમાન ગાળામાં ₹805.8 કરોડની સરખામણીએ 23.5 ટકાની વૃદ્ધિ નોંધાવી હતી.