જિયોબ્લેકરૉક ઈન્વેસ્ટમેન્ટ એડવાઈઝર્સને એડવાઈઝરી બિઝનેસ માટે SEBIની મંજૂરી

મુંબઈ, 11 જૂન: જિયો ફાઈનાન્સિયલ સર્વિસીસ લિમિટેડ અને બ્લેકરૉક ઈન્ક (બ્લેકરૉક) [NYSE: BLK] વચ્ચે 50:50ના સંયુક્ત સાહસથી જિયોબ્લેકરૉક ઈન્વેસ્ટમેન્ટ એડવાઈઝર્સ પ્રાઈવેટ લિમિટેડ (જિયોબ્લેકરૉક ઈન્વેસ્ટમેન્ટ એડવાઈઝર્સ)ને ભારતમાં ઈન્વેસ્ટમેન્ટ એડવાઈઝર્સ તરીકે ઓપરેશન્સ શરૂ કરવા સિક્યોરિટી એન્ડ એક્સચેન્જ બોર્ડ ઑફ ઈન્ડિયા (SEBI) અને બીસઈ લિમિટેડ દ્વારા રેગ્યુલેટરી મંજૂરી આપવામાં આવી છે.

SEBI દ્વારા તા. 26 મે, 2025 ના રોજ કરવામાં આવેલ ઘોષણાને પગલે જિયો બ્લેકરૉક એસેટ મેનેજમેન્ટ પ્રાઈવેટ લિમિટેડને ભારતમાં તેના મ્યુચ્યુઅલ ફંડ બિઝનેસ માટે ઈન્વેસ્ટમેન્ટ મેનેજર તરીકે ઓપરેશન્સ શરૂ કરવા આ રેગ્યુલેટરી મંજૂરી આપવામાં આવી છે.

આ લાઈસન્સ સાથે, જિયોબ્લેકરૉક હવે આજના રોકાણકારની નવી નવી જરૂરિયાતોને સંતોષવા ડિજિટલ-ફર્સ્ટ પ્રોડક્ટ વિકસાવવા પર તેની શક્તિ કેન્દ્રિત કરશે. કંપનીની ઇનોવેટિવ અને ગ્રાહકલક્ષી પ્રસ્તાવો વિશે વધુ વિગતો અંગેની ઘોષણા બહુ જલ્દી કરવામાં આવશે.

આ પ્રસંગે જિયો ફાઈનાન્સિયલ સર્વિસીસ લિમિટેડના એમડી અને સીઇઓ હિતેશ શેઠિયાએ જણાવ્યું હતું કે, ભારતીય રોકાણકારો હવે બહુ ઝડપથી વ્યક્તિગત સાનુકૂળતા ધરાવતા અને લાંબાગાળે લાભદાયી રોકાણ સમાધાનો ખરીદવા તરફ વળી રહ્યા છે.

બ્લેકરૉકના ચિફ ઓપરેટીંગ ઑફિસર રોબ ગોલ્ડસ્ટેઈને આ પ્રસંગે જણાવ્યું હતું કે, ભારત એ સમસ્ત વિશ્વમાં સૌથી ઝડપી ગતિએ વિકસી રહેલ અને અત્યંત ગતિશીલ બજારો ધરાવતા રાષ્ટ્રોમાંનું એક છે.

આ અવસરે માર્ક પિલગ્રીમને જિયોબ્લેકરૉક ઈન્વેસ્ટમેન્ટ એડવાઈઝર્સના મેનેજીંગ ડિરેક્ટર (એમડી) અને ચીફ એક્ઝિક્યુટિવ ઑફિસર (સીઇઓ) તરીકે નિયુક્ત કરવાની ઘોષણા કરવામાં આવી છે.

જિયોબ્લેકરૉક ઈન્વેસ્ટમેન્ટ એડવાઈઝર્સ પ્રાઈવેટ લિમિટેડના મેનેજીંગ ડિરેક્ટર અને સીઇઓ માર્ક પિલગ્રીમે આ પ્રસંગે જણાવ્યું હતું કે ભારતમાં આજના રોકાણકારોની જરૂરિયાતોને પરિપૂર્ણ કરે એવી સરળ, પારદર્શકતા અને નિપુણતા આધારિત સેવાનું નિર્માણ કરી રહ્યા છીએ.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)