Knack Packaging Limited એ  DRHP ફાઇલ કર્યું

અમદાવાદ, 8 સપ્ટેમ્બરઃ નેક પેકેજિંગ લિમિટેડે બજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે.

કંપની અગ્રણી ઇન્ટિગ્રેટેડ, ઇનોવેશન-કેન્દ્રિત, નિકાસલક્ષી અને સસ્ટેનેબિલિટી ઉપર કેન્દ્રિત પેકેજિંગ સોલ્યુશન્સ પ્રોવાઇડર છે, જે પ્રિન્ટેડ અને લેમિનેટેડ વુવમ પોલીપ્રોપીલીન બેગ અને પીએલડબલ્યુપીપી પિન્ચ બોટમ બેગની વૈવિધ્યસભર શ્રેણી ઓફર કરે છે. નાણાકીય વર્ષ 2025માં કંપની ફ્લેક્સિબલ બલ્ક પીએલડબલ્યુપીપી બેગ માટે ભારતીય બજારમાં અંદાજે 10.1 ટકા બજાર હિસ્સો ધરાવે છે, જેમાં પીએલડબલ્યુપીપી પિન્ચ બોટમ બેગ સામેલ છે.

PLWPP બેગ ફૂડ પ્રોડક્ટ્સ અને પેટ ફૂડ સહિત વિવિધ ક્ષેત્રો માટે ઉચ્ચ મજબૂતાઇ ધરાવતી પેકેજિંગ સોલ્યુશન્સ છે, જે પેકેજિંગ પર બ્રાન્ડ વિઝિબિલિટીમાં વધારો કરે છે તેમજ નકલનું જોખમ ઘટાડે છે તેમજ સંચાલકીય કાર્યક્ષમતામાં વધારો કરે છે.

કંપની પ્રારંભિક જાહેર ભરણા (IPO) દ્વારા ભંડોળ એકત્ર કરવાન યોજના ધરાવે છે. કુલ ઓફર સાઇઝમાં રૂ. 4,750 મિલિયન (રૂ. 475 કરોડ)નો ફ્રેશ ઇશ્યૂ તથા 70,00,000 ઇક્વિટી શેર્સ સુધીનો ઓફર ફોર સેલ સામેલ છે. કંપની IPO માંથી પ્રાપ્ત ભંડોળમાંથી અંદાજે રૂ. 4,350 મિલિયન (રૂ. 435 કરોડ) ગુજરાતના મહેસાણામાં કડી સ્થિત બોરીસણા ખાતે નવી ઉત્પાદન સુવિધાની સ્થાપના માટે મૂડી ખર્ચ તથા બાકીની રકમ કોર્પોરેટના સામાન્ય હેતુઓ માટે ઉપયોગમાં લેવાની દરખાસ્ત ધરાવે છે.

સિસ્ટમેટિક્સ કોર્પોરેટ સર્વિસિસ લિમિટેડ, આઇડીબીઆઇ કેપિટલ માર્કેટ્સ એન્ડ સિક્યોરિટિઝ લિમિટેડ અને પેન્ટોમેથ કેપિટલ એડવાઇઝર્સ લિમિટેડ ઓફરના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)