માર્કેટ લેન્સઃ ચૂંટણીના તારીખો જાહેર થતાં સીટો માટે સત્તા અને સટ્ટાના સમીકરણો શરૂ, નિફ્ટી માટે 21953 સપોર્ટ અને 22142 રેઝિસ્ટન્સ લેવલ્સ

અમદાવાદ, 18 માર્ચઃ નિફ્ટી માટે 21,953 પર તાત્કાલિક સપોર્ટ મળે તેવી શક્યતા છે. ત્યારબાદ 21,908 અને 21,836ની સપાટીઓ પણ સપોર્ટ તરીકે ધ્યાનમાં રાખવી.ઉપરમાં 22,041 અને ત્યારબાદ 22,142 અને 22,215 સ્તરો રેઝિસ્ટન્સ લેવલ્સ તરીકે ધ્યાનમાં રાખવાની ટેકનિકલ એક્સપર્ટ્સ સલાહ આપી રહ્યા છે.  GIFT નિફ્ટીમાં વલણો 48 પોઈન્ટના નુકસાન સાથે વ્યાપક ઈન્ડેક્સ માટે નબળી શરૂઆત સૂચવે છે. શુક્રવારે નિફ્ટી 22,000ની આસપાસ નીચામાં સમાપ્ત થયો. સેન્સેક્સ 453.85 પોઈન્ટ અથવા 0.62 ટકા ઘટીને 72,643.43 પર અને નિફ્ટી 123.40 પોઈન્ટ અથવા 0.56 ટકા ઘટીને 22,023.30 પર હતો. નિફ્ટી ફ્યુચર્સ 22,048.50 ના સ્તરની આસપાસ ટ્રેડ થઈ રહ્યો હતો.

સ્ટોક્સ ટૂ વોચઃ એચડીએફસી બેન્ક, આઇઆરએફસી, ભારતી એરટેલ, જિયો ફાઇનાન્સ, રિલાયન્સ, આઇઓસી. ટાટા પાવર, ટાટા મોટર્સ, ટાટા સ્ટીલ, આઇટીસી, કોટક બેન્ક

સેક્ટર્સ ટૂ વોચઃ ઓટો એન્સિલરીઝ, ડિફેન્સ, એનર્જી, રિયાલ્ટી, રેલ્વે સ્ટોક્સ

વૈશ્વિક શેરબજારોમાં મિકસ ટોન સાથે સ્થિર વલણ

ડાઉ જોન્સ ઈન્ડસ્ટ્રીયલ એવરેજ 190.89 પોઈન્ટ અથવા 0.49 ટકા ઘટીને 38,714.77 પર બંધ થયો છે. S&P 500 33.39 પોઈન્ટ્સ અથવા 0.65 ટકા ઘટીને 5,117.09 પર અને Nasdaq Composite 155.36 પોઈન્ટ્સ અથવા 0.96 ટકા ઘટીને 15,973.17 પર છે.

ચૂંટણીના પડઘમ શરૂ થતાં સીટ્સના સટ્ટા શરૂ થશે….

લોકસભા ચૂંટણી 2024 19 એપ્રિલથી 1 જૂન સુધી સાત તબક્કામાં યોજાશે  મતોની ગણતરી 4 જૂને થશે. 22 રાજ્યોમાં એક જ તબક્કામાં મતદાન થશે. ત્રણ રાજ્યોમાં તમામ તબક્કામાં મતદાન થશે. કોઈપણ રાજ્યમાં છ તબક્કામાં મતદાન થશે નહીં.

સેબીએ લિસ્ટિંગના ધોરણોનું પાલન કરવા માટે ‘હાઇ ડેટ વેલ્યુ લિસ્ટેડ એન્ટિટીઝ’ માટે વધુ સમય આપ્યો

સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) એ હાઈ ડેટ વેલ્યુ લિસ્ટેડ એન્ટિટીઝ (HDVLE) ને લિસ્ટિંગના ધોરણોનું પાલન કરવા માટે વધુ સમય આપ્યો છે. 15 માર્ચે તેના બોર્ડ સાથેની બેઠક બાદ નિયમનકારે સમયમર્યાદા 31 માર્ચ, 2025 સુધી લંબાવી હતી. બોર્ડે લિસ્ટિંગ ધોરણો (એટલે કે સેબીના રેગ્યુલેશન 16 થી 27 (લિસ્ટિંગ ઓબ્લિગેશન્સ એન્ડ ડિસ્ક્લોઝર રિક્વાયરમેન્ટ્સ) રેગ્યુલેશન્સ, 2015)ની ફરજિયાત લાગુ થવાની સમયરેખા અને ‘ઉચ્ચ-મૂલ્ય ડેટ લિસ્ટેડ એન્ટિટીઝ માટે તેનું પાલન કરવાની દરખાસ્તને મંજૂરી આપી છે.

શુક્રવારે FIIની રૂ. 849 કરોડની ખરીદી અને DIIની રૂ. 682 કરોડની વેચવાલી

NSE ના કામચલાઉ ડેટા દર્શાવે છે કે વિદેશી સંસ્થાકીય રોકાણકારો (FIIs) એ 15 માર્ચે રૂ. 848.56 કરોડના શેરની ચોખ્ખી ખરીદી કરી હતી, જ્યારે સ્થાનિક સંસ્થાકીય રોકાણકારો (DIIs) એ રૂ. 682.26 કરોડના શેરનું વેચાણ કર્યું હતું.

NSE પર F&O પ્રતિબંધ હેઠળ સ્ટોક

NSE એ આદિત્ય બિરલા ફેશન એન્ડ રિટેલ, ભેલ, મણપ્પુરમ ફાઇનાન્સ, નેશનલ એલ્યુમિનિયમ કંપની, પીરામલ એન્ટરપ્રાઇઝિસ, આરબીએલ બેંક, સેઇલ, ટાટા કેમિકલ્સ અને ઝી એન્ટરટેઇનમેન્ટ એન્ટરપ્રાઇઝિસને જાળવી રાખતા 18 માર્ચ માટે બાયોકોન અને હિન્દુસ્તાન કોપરને F&O પ્રતિબંધ સૂચિમાં ઉમેર્યા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)