રિટેલ રોકાણકારોએ ઓગસ્ટમાં રૂ. 10,500 કરોડથી વધુના શેર ખરીદ્યા

અમદાવાદ, 13 ઓગસ્ટઃ ઓગસ્ટ માસમાં ભારતીય શેરબજારો ભારે વોલેટાઇલ રહ્યા હોવા છતાં રિટેલ રોકાણકારોની હાજરી સતત વધી રહી છે. તેના કારણે ઓગસ્ટ મહિનામાં અત્યાર સુધીમાં રિટેલ રોકાણકારોએ રૂ. 10,600 કરોડથી વધુના શેરની ખરીદી કરી છે. રસપ્રદ વાત એ છે કે, છૂટક ખરીદીનું પ્રમાણ વિદેશી પોર્ટફોલિયો રોકાણકારો (FPIs) ની વેચાણ પ્રવૃત્તિની લગભગ સમકક્ષ છે, જેમણે ઓગસ્ટમાં ભારતીય ઇક્વિટીમાં આશરે રૂ. 11,740 કરોડનું રોકાણ કર્યું છે.

NSE ના ડેટા સૂચવે છે કે છૂટક રોકાણકારો આ મહિનાના દરેક ટ્રેડિંગ સેશનમાં ચોખ્ખા ખરીદદારો રહ્યા છે, એક દિવસ, 7 ઓગસ્ટ સિવાય, જ્યારે તેઓ માત્ર રૂ. 100 કરોડથી વધુના ચોખ્ખા વેચાણકર્તા હતા. તેનાથી વિપરિત, NSDLના ડેટા અનુસાર, FPIs માત્ર બે જ દિવસમાં ચોખ્ખા ખરીદદાર રહ્યા છે- 1 અને 8 ઑગસ્ટ- જ્યારે અન્ય તમામ ટ્રેડિંગ દિવસોમાં ચોખ્ખા વિક્રેતા હતા.

વધુમાં, સ્થાનિક સંસ્થાકીય રોકાણકારોએ પણ નોંધપાત્ર ખરીદી કરી છે, NSEના કામચલાઉ ડેટા મુજબ આ મહિને આશરે રૂ. 27,977 કરોડના શેરો હસ્તગત કર્યા છે. પ્રાઇમઇનફોબેઝના ડેટા દર્શાવે છે કે NSE-લિસ્ટેડ કંપનીઓમાં FPIsનો હિસ્સો જૂનના અંત સુધીમાં ઘટીને 17.38 ટકાના 12 વર્ષની નીચી સપાટીએ પહોંચ્યો હતો, જે માર્ચમાં 17.72 ટકા હતો. રિટેલ રોકાણકારોનો હિસ્સો એક ક્વાર્ટર અગાઉના 7.52 ટકાથી વધીને 7.64 ટકા થયો હતો જ્યારે સ્થાનિક સંસ્થાકીય રોકાણકારોનો હિસ્સો ગયા ક્વાર્ટરમાં 16.07 ટકાથી વધીને 16.23 ટકા પર વિક્રમી રહ્યો હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)