TCSની રૂ.18,000 કરોડની બાયબેકને જોરદાર રિસ્પૉન્સ

ભારતની સૌથી મોટી આઈટી કંપની તાતા કન્સલટન્સી સર્વિસિસ (ટીસીએસ)એ 9 માર્ચના રોજ શરૂ કરેલી શેર્સ બાયબેક યોજનાનો તા. 23 માર્ચના રોજ છેલ્લો દિવસ છે. બીએસઈના ડેટા અનુસાર 22 માર્ચ સાંજે 4 વાગ્યા સુધીના આંકડાના મુજબ શેરહોલ્ડર્સે બાયબેકમાં કુલ 22 કરોડ શેર ટેંડર કર્યા છે. આ ઑફર હેઠળ 4 કરોડ શેર્સ એટલેકે 1.1 ટકા ઈક્વિટીની ખરીદારી રૂ. 4500 રૂપિયા પ્રતિ શેરના ભાવ પર કરશે જે 22 માર્ચના રૂ. 3701 રૂપિયાના ક્લોઝિંગ પ્રાઈઝથી 21 ટકા વધારે છે. ટીસીએસની રૂ.18,000 કરોડ રૂપિયાની આ બાયબેક દેશમાં આઇટી કંપનીઔ પૈકીની સૌથી મોટી બાયબેક ઑફર છે. આ ઑફરને શેરધારકોની તરફથી જોરદાર રિસ્પૉન્સ મળ્યો છે. આ ઑફર પોતાના ઈશ્યૂ સાઈઝથી 5.5 ગણી વધારે છલકાઇ છે. ઑફર બુધવારે સાંજે 5 વાગ્યે બંધ થવાની છે. TCSના સ્ટેટમેન્ટ અનુસાર નાના શેરધારકો માટે રિઝર્વ્ડ કેટગરીમાં બાયબેકના રેશ્યો રેકૉર્ડ તારીખ પર રોકાણકારની પાસે વર્તમાન પ્રત્યેક 7 ઈક્વિટી શેરો માટે 1 ઈક્વિટી શેર હશે. જ્યારે જનરલ કેટેગરીમાં અન્ય બધા પાત્ર શેરધારકો માટે રેકૉર્ડ તિથિને વર્તમાન પ્રત્યેક 108 ઈક્વિટી શેરો માટે બાયબેકનો રેશિયો હશે. ટીસીએસના શેર બાયબેક માટે પાત્રતા પાત્ર ઈક્વિટી શેરધારકોના નામ નિર્ધારિત કરવાના ઉદ્દેશ્યથી રેકૉર્ડ તારીખના રૂપમાં 23 ફેબ્રુઆરી, 2022 ની તારીખ નક્કી કરી છે. છેલ્લા પાંચ વર્ષમાં ટીસીએસની આ ચોથી મોટી બાયબેક ઓફર છે.

બાયબેક ઓફર કેવી રીતે થાય છે

કંપની પ્રવર્તમાન બજાર કિંમતના પ્રીમિયમ પર તેના વર્તમાન શેરધારકો પાસેથી તેના શેર પાછા ખરીદે છે. શેરધારકોને નાણાં પરત કરવાની આ વૈકલ્પિક કર-કાર્યક્ષમ રીત હોઈ શકે છે. શેર બાયબેક સર્ક્યુલેશનમાં શેરોની સંખ્યામાં ઘટાડો કરે છે. જે પછી શેરની કિંમત અને શેર દીઠ કમાણી (EPS) વધી શકે છે.

રિટેલ રોકાણકારોની શું હશે રણનીતિ

આ બાયબેકને રિટેલ રોકાણકારોથી મળેલા જોરદાર રિસ્પૉન્સને જોતા લાગે છે કે તેના એક્સેપ્ટેંસ રેશ્યો 14 ટકાથી 15 ટકાની વચ્ચે રહેશે. શૉર્ટ ટર્મ રોકાણકારોના આ મૌકાનો ફાયદો ઉઠાવતા બાયબેકમાં પોતાના શેર ટેંડર કરવાની સલાહ હશે. કારણ કે આ બાયબેક ટેક્સ ફ્રી છે. લૉન્ગ ટર્મ શેર હોલ્ડરોના ટેન્ડર કરવામાં આવેલા શેરોના ઓપન માર્કેટથી ફરીથી ખરીદવાની સલાહ રહેશે. નૉન ટેન્ડર શેરો માટે રોકાણકારોની સલાહ રહેશે કે તેમાં રોકાણ જાળવી રાખે. કારણ કે કંપનીના ફંડામેટલ્સ મજબૂત છે અને આઈટી સેક્ટર માટે પણ મજબૂતીના સંકેત જોવામાં આવી રહ્યા છે.

TCSની બાયબેક ઓફર્સ એક નજરે

તારીખ                 ટકા ખરીદ્યા શેર્સ                પ્રાઇસ                  કુલ કરોડ

ફેબ્રુ.- 17               2.85%                 Rs 2,850*            Rs 16,000

જૂન- 18                1.99%                 Rs 2,100              Rs 16,000

ઓક્ટો- 20             1.42%                 Rs 3,000              Rs 16,000

માર્ચ- 22               1.08%                 Rs 4,500              Rs 18,000