ટોર્ક વાલ્વ અમદાવાદમાં નવું સેન્ટ્રલાઇઝ્ડ મેન્યુફેક્ચરિંગ યુનિટ્સ શરૂ કરશે
![](https://businessgujarat.in/wp-content/uploads/2023/04/303621307_543838737542877_7277480722892325182_n.jpg)
અમદાવાદ, 21 એપ્રિલ: પ્રીમિયમ આંતરરાષ્ટ્રીય ગુણવત્તા વાલ્વ ઉત્પાદક અમદાવાદ સ્થિત ટોર્ક વાલ્વ કંપની હવે સેક્ટરમાં વૃદ્ધિની તકોને વેગ આપવા માટે તેની ક્ષમતાઓ વિસ્તારવાનું વિચારી રહી છે. કંપનીએ દેશના ટોચના 10 કંટ્રોલ વાલ્વ ઉત્પાદકોમાં સ્થાન મેળવ્યું છે. ઉદ્યોગમાં 25 વર્ષથી વધુનો મજબૂત ટ્રેક રેકોર્ડ ધરાવતા અગ્રણી ખેલાડી, ટોર્ક વાલ્વને તેની એપ્રિલ 2023ની આવૃત્તિમાં અગ્રણી મેગેઝિન ઇન્ડસ્ટ્રી આઉટલુક દ્વારા ટોચના 10 કંટ્રોલ વાલ્વ ઉત્પાદકોમાં સ્થાન આપવામાં આવ્યું છે. અમદાવાદમાં નવું યુનિટ શરૂ થયા પછી કંપનીને અન્ય આંતરરાષ્ટ્રીય બજારો પૂરી પાડવાનો વિશ્વાસ છે.
કન્ટ્રોલ વાલ્વનું બજાર હાલમાં 5 અબજ ડોલરનું હોવાનો અંદાજ
![](https://businessgujarat.in/wp-content/uploads/2023/04/IMG-20230421-WA0004.jpg)
કન્ટ્રોલ વાલ્વનું બજાર હાલમાં 5 બિલિયન ડોલર હોવાનો અંદાજ છે અને ઈન્ફ્રાસ્ટ્રક્ચર તેમજ ફાર્માસ્યુટિકલ્સ, ઓઇલ એન્ડ ગેસ, કેમિકલ્સ, ફૂડ પ્રોસેસિંગ વગેરે જેવા ઉદ્યોગોમાં વધતા રોકાણોના પરિણામે 2028 સુધીમાં તેનું કદ બમણું થવાનો અંદાજ છે. અમે અમારા ઉત્પાદનોની ગુણવત્તા તેમજ શ્રેણીને વધુ વધારવા માટે સતત સંશોધન અને ગ્રોથ માટે પ્રતિબદ્ધ છીએ- ઝુબેર શેખ, ટોર્ક વાલ્વ્સના ચેરમેન અને મેનેજિંગ ડિરેક્ટર
કંપની વાર્ષિક ઉત્પાદન ક્ષમતા બમણી કરવા કટિબદ્ધ
ટોર્ક વાલ્વ્સ તેના ઉત્પાદનોની વધતી માંગને પહોંચી વળવા તેની ઉત્પાદન ક્ષમતાને વિસ્તારવા માંગે છે. અમદાવાદ, મુંબઈ અને પુણેમાં ત્રણ મેન્યુફેક્ચરિંગ યુનિટ છે. ત્રણેય એકમો સંચિત રીતે દર મહિને આશરે 2,500 વાલ્વ યુનિટનું ઉત્પાદન કરે છે. કંપની અમદાવાદમાં વધુ મોટું અને સેન્ટ્રલાઇઝ્ડ યુનિટ્સ સ્થાપવાની યોજના છે. ટોર્ક વાલ્વ્સના પ્રેસિડેન્ટ અબ્દુલરાઝીક પઠાણે જણાવ્યું હતું કે, ન્યૂનતમ ટર્નઅરાઉન્ડ સમય અને ઉચ્ચ સ્તરના ગુણવત્તા નિયંત્રણની ખાતરી કરવા માટે એકમ લેટેસ્ટ મશીનરી અને ટેકનોલોજીથી સજ્જ હશે.
યુકે, તૂર્કી, UAE, ઇરાક, કતાર સહિતના દેશોમાં છે ડિમાન્ડ
ટોર્ક વાલ્વ્સને માત્ર ભારતીય બજારમાં જ નહીં, પરંતુ યુનાઇટેડ કિંગડમ, તુર્કી, યુનાઇટેડ આરબ અમીરાત, કતાર, ઇરાક અને કેટલાક પૂર્વ આફ્રિકન દેશોમાં પણ મજબૂત હાજરી સ્થાપિત કરવાની મંજૂરી આપી છે. અમદાવાદમાં નવું યુનિટ શરૂ થયા પછી કંપનીને અન્ય આંતરરાષ્ટ્રીય બજારો પૂરી પાડવાનો વિશ્વાસ છે.
કયા કયા ઉદ્યોગ ક્ષેત્રોમાં થાય છે ટોર્ક વાલ્વનો ઉપયોગ
![](https://businessgujarat.in/wp-content/uploads/2023/04/long-life-ball-valve-405.jpg)
ટોર્ક વાલ્વ્સના ટેક્નોક્રેટ્સની ટીમ કંપનીને વાલ્વ ઉદ્યોગમાં પરિવર્તનથી આગળ રહેવા અને ગ્રાહકોની વિકસતી જરૂરિયાતો પૂરી કરવામાં મદદ કરવામાં મહત્ત્વપૂર્ણ ભૂમિકા ભજવે છે. કંપની સ્ટીલ, એલ્યુમિનિયમ, કેમિકલ, ફાર્મા, ફર્ટિલાઇઝર, ઓઇલ એન્ડ ગેસ, મેન્યુફેક્ચરિંગ, પાવર, પેટ્રોકેમિકલ્સ, ઇલેક્ટ્રોનિક્સ, વોટર ટ્રીટમેન્ટ, ફૂડ પ્રોસેસિંગ, પેપર, ખાંડ, કન્ઝ્યુમર પ્રોડક્ટ્સ અને અન્ય કેટલાક ઉદ્યોગોમાં ગ્રાહકોને સેવા આપે છે. ટોર્ક વાલ્વ્સના કેટલાક માર્કી ક્લાયન્ટ્સમાં ONGC, આદિત્ય બિરલા ગ્રુપ, અદાણી વિલ્મર, JSW સ્ટીલ, જય કેમિકલ્સ, મેઘમણી ઓર્ગેનિક્સ વગેરેનો સમાવેશ થાય છે.