360 ONE એસેટે સિલ્વર ઇટીએફ લોન્ચ કર્યું

મુંબઈ, 11 માર્ચ: 360 ONE એસેટ મેનેજમેન્ટ લિમિટેડે (“360 ONE Asset”) 360 ONE સિલ્વર ઇટીએફ લોન્ચ કરવાની જાહેરાત કરી છે. આ એક ઓપન એન્ડેડ એક્સચેન્જ ટ્રેડેડ ફંડ છે જે ચાંદીની સ્થાનિક કિંમતોને અનુસરે છે કે ટ્રેક કરે છે. આ ઇન્વેસ્ટમેન્ટ સોલ્યુશન તેની ઔદ્યોગિક માંગ તથા ફુગાવા સામે હેજ તરીકેની ક્ષમતા માટે જાણીતી એસેટ એવી ચાંદીમાં એક્સપોઝર મેળવવા માટે રોકાણકારોને સુગમ, તરલતાભર્યો અને કિફાયતી માર્ગ પૂરો પાડે છે.

ન્યૂ ફંડ ઓફર (એનએફઓ) 10 માર્ચથી 20 માર્ચ, 2025 સુધી ખૂલ્લો રહેશે. અરજી કરવા માટેની લઘુતમ રકમ રૂ. 1,000 (અને ત્યારબાદ રૂ. 1ના ગુણાંકમાં) છે. એનએફઓની કિંમત યુનિટ દીઠ રૂ. 10 છે.  360 ONE સિલ્વર ઇટીએફ ફિઝિકલી ચાંદી રાખવાના પડકારો દૂર કરે છે અને રોકાણ તરીકે ચાંદીની સંભાવનાઓની સરળ પહોંચ પૂરી પાડે છે. 360 ONE સિલ્વર ઇટીએફ તેની કુલ એસેટ્સની ઓછામાં ઓછા 95 ટકા રકમ ચાંદી અથવા ચાંદી સંબંધિત સાધનોમાં ફાળવશે, જે સ્થાનિક ચાંદીના ભાવની ગતિવિધિઓ સાથે ગાઢ સંલગ્નતા સુનિશ્ચિત કરશે. તરલતા વધારવા અને ફંડ મેનેજમેન્ટને ઓપ્ટિમાઇઝ કરવા માટે 5 ટકા સુધીનું રોકાણ ડેટ અથવા મની માર્કેટ સિક્યોરિટીઝમાં થઇ શકે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)