GCCIની AGMમાં 54 બંધારણીય સુધારાઓ પસાર કરાયા

અમદાવાદ, 13 મેઃ ગુજરાત ચેમ્બર ઓફ કોમર્સ એન્ડ ઇન્ડસ્ટ્રીની અસાધારણ સામાન્ય સભા (EGM) તા.12મી મે, 2023 ના રોજ GCCI ખાતે GCCIના બંધારણ અને નિયમોમાં સૂચિત સુધારાઓને મંજૂરી આપવાના હેતુથી મળી હતી. આ સુધારાઓ વહીવટી સંચાલન અને કામગીરી અંગે વધુ સ્પષ્ટતા લાવવા અને વર્તમાન જરૂરિયાતોને ધ્યાનમાં રાખીને કરવામાં આવેલ છે.

બંધારણમાં નિર્ધારિત પ્રક્રિયા મુજબ બંધારણીય સુધારા માટેના સૂચનોની પ્રથમ ચર્ચા બંધારણ કમિટીની બેઠકોમાં કરવામાં આવી હતી. બંધારણ કમિટી ના ચેરમેન ત્રિલોક પરીખ ઉપરાંત આ કમિટીમાં GCCIના પૂર્વ પ્રમુખો, ટેક્સ નિષ્ણાત, વકીલ અને મહિલા ઉદ્યોગસાહસિકનો સમાવેશ થાય છે. ત્યારબાદ આ સુધારાઓ કારોબારી સમિતિ સમક્ષ મૂકવામાં આવ્યા હતા અને કારોબારી સમિતિ દ્વારા આ સુધારાઓ સર્વાનુમતે મજુર થયેલ અને અસાધારણ સામાન્ય સભા સમક્ષ મંજૂરી માટે મૂકવાની ભલામણ કારોબારી સમિતિ દ્વારા આપવામાં આવેલ હતી. આ સૂચિત સુધારાઓ આજની અસાધારણ સામાન્ય સભામાં સભ્યો સમક્ષ મંજૂરી માટે મૂકવામાં આવ્યા હતા.

GCCIના પ્રમુખ પથિક પટવારીએ EGMમાં સભ્યોને માહિતી આપી હતી કે GCCIનું બંધારણ અને નિયમો 2011 માં અસ્તિત્વમાં આવ્યા હતા અને ત્યારબાદ વર્ષ 2013, 2016, 2019 અને 2021માં ચાર વખત તેમાં નાના-મોટા સુધારાઓ કરવામાં આવ્યા હતા. આ વખતની અસાધારણ સામાન્ય સભા સમક્ષ કુલ 54 સુધારાઓ મૂકવામાં આવ્યા હતા અને તમામ સુધારાઓને સભ્યોએ EGMમાં મંજૂર કર્યા હતા.

EGMમાં મંજૂર કરાયેલ કેટલાક મુખ્ય સુધારાઓ નીચે મુજબ છે:

1. બિઝનેસ એસોસિએશનો માટે એક-વખતની ફી ચુકવણીનો વિકલ્પ આપવામાં આવ્યો છે, જેથી કરીને ફી રીમાઇન્ડર્સ માટે બિનજરૂરી કારકુની કામગીરી ટાળી શકાય અને આજીવન ફી ભરવા તૈયાર સભ્યોને લાભ મળી શકે.
2. નાના ઉદ્યોગો અને વેપારીઓની ફરિયાદોનું પ્રતિનિધિત્વ કરવાના ઉદ્દેશ્ય સાથે નજીવી ફી સાથે અને કોઈપણ મતદાન અથવા અન્ય અધિકારો વિના નોમિનલ સભ્યોની નવી શ્રેણી રજૂ કરવામાં આવી છે.
   3.કારોબારી સમિતિમાં રેસિપ્રોકલ સભ્યપદ આપવામાં આવશે જે અન્ય રાજ્યોની અગ્રણી ચેમ્બરો/સંસ્થાઓ સાથે આદાન-પ્રદાન અને સરકાર સમક્ષ મજબૂત પ્રતિનિધિત્વ કરવામાં મદદ કરશે.

1. કારોબારી સમિતિમાં ચૂંટાયેલ સભ્ય તરીકે ફરજીયાત એક ટર્મ પુરી કરેલ હોય તેઓ હાલમાં સિનિયર વાઇસ પ્રેસિડેન્ટ માટે ચૂંટણી લડી શકે. આ વર્તમાન વિકલ્પ ઉપરાંત એક નવો સીધો વિકલ્પ રજૂ કરવામાં આવ્યો છે જેમાં કારોબારી સમિતિમાં પ્રથમ ચૂંટાયા વિના સીનિયર વાઇસ પ્રેસિડેન્ટ માટે સીધા જ ચૂંટણી લડી શકે. આ વિકલ્પથી બિઝનેસ લીડર્સ GCCIના લીડરશિપમાં આવવા પ્રેરાશે અને સભ્યોને તેમના બહોળા અનુભવનો લાભ મળશે. આવા ઉમેદવાર રૂ. 1000 કરોડ કરતાં વધુ ટર્નઓવર ધરાવતી સભ્ય બિઝનેસ સંસ્થાના પ્રમોટર- ડિરેક્ટર/ભાગીદાર/માલિક હોવા જરૂરી છે, અને તેમની પાસે તે જ બિઝનેસ સંસ્થામાં ઓછામાં ઓછો 5 વર્ષનો વ્યવસાયિક અનુભવ હોવો ફરજીયાત રહેશે. જો તે ભાગીદાર હોય તો તેની પાસે સભ્ય ભાગીદારી પેઢીમાં 25% થી વધુ હિસ્સો હોવો જોઈએ. આવા ઉમેદવારને ટેકો આપવા માટે કારોબારી સમિતિ દ્વારા પસંદ કરાયેલા પાંચ પૂર્વ પ્રમુખોની સમિતિ બનાવવાનું સૂચન આવ્યું હતું, જેને સ્વીકારવામાં આવ્યું હતું.
2. તત્કાલીન પૂર્વ પ્રમુખને ચેમ્બરના હોદ્દેદાર તરીકે સામેલ કરવામાં આવશે અને કારોબારી સમિતિની બેઠકોમાં તેમને મતદાનનો અધિકાર હશે, જેથી તેમના કાર્યકાળ દરમિયાન તેમના દ્વારા શરુ કરાયેલ અગત્યના કાર્યો/પ્રોજેક્ટો પૂર્ણ થઈ શકે અને જ્યારે પ્રમુખને તેમની સલાહની જરૂર હોય ત્યારે તેઓ ઉપલબ્ધ હોઈ શકે.

કારોબારી સમિતિના સભ્યો માટે લઘુત્તમ હાજરીની આવશ્યકતા 33% થી વધારીને 50% કરવામાં આવી

1. કારોબારી સમિતિના સભ્યો માટે લઘુત્તમ હાજરીની આવશ્યકતા 33% થી વધારીને 50% કરવામાં આવી છે, કારણ કે તે GCCIની પ્રવૃત્તિઓમાં સક્રિયપણે ભાગ લેવાની અને તેમના સભ્યોનું ખંતપૂર્વક પ્રતિનિધિત્વ કરવાની જવાબદારી દરેક ચૂંટાયેલા/કો-ઓપ્ટ/આમંત્રિત સભ્યની છે.
2. જે વર્તમાન સભ્યો કે જેમની ફી ન ચૂકવવાને કારણે સભ્યપદ રદ્દ થઈ ગયું હશે તેમને સભ્યપદની મુદત પૂરી થયાના 2 વર્ષની અંદર તેમના સભ્યપદને પુનઃ સક્રિય કરવા માટે લેટ ફી અને બાકી રકમ ચૂકવવાનો વિકલ્પ આપવામાં આવ્યો છે.

સભ્યપદની મુદત પૂરી થયાના 2 વર્ષની અંદર સભ્યપદ પુનઃ સક્રિય કરવા માટે લેટ ફી અને બાકી રકમ ચૂકવવાનો વિકલ્પ

1. GCCIની કમિટીઓ અને ટાસ્ક ફોર્સના સભ્યોને ડીમ્ડ મેમ્બર તરીકે ગણવામાં આવશે અને તેમણે ડીમ્ડ મેમ્બર બનવાના 60 દિવસની અંદર GCCI ની વોટિંગ મેમ્બરશિપ મેળવવાની રહેશે, કારણ કે જો તેઓ GCCI ની કોઈપણ કમિટીમાં સેવા આપવા માંગતા હોય તો GCCI ના સભ્ય બનવાની તેમની નૈતિક જવાબદારી છે.
   અસાધારણ સામાન્ય સભામાં ઘણા પૂર્વ પ્રમુખો, રિજનલ ચેમ્બર અને બિઝનેસ એસોસિએશનના પ્રતિનિધિઓ, જાણીતા ઉદ્યોગપતિઓ અને MSME સભ્યો સહિત મોટી સંખ્યામાં સભ્યોએ હાજરી આપી હતી અને તમામ સૂચિત સુધારાઓને સર્વાનુમતે મંજૂરી આપી હતી.