અદાણી ગ્રીન એનર્જી અને ટોટાલ એનર્જીસ સંયુક્ત સાહસમાં USD ૩૦૦ મિલીયનનું રોકાણ કરશે

અમદાવાદ, 20 સપ્ટેમ્બર: 1050 મેગાવોટના પોર્ટફોલિયો સાથે ટોટાલ એનર્જીઝ અને અદાણી ગ્રીન એનર્જી લિ.ની સમાન માલિકી ધરાવતું નવું સંયુકત સાહસ બનાવવા માટે ટોટાલ એનર્જી અને અદાણી ગ્રીન એનર્જી લિ. (AGL)એ બંધનકર્તા કરાર કર્યો છે. આ પોર્ટફોલિયોમાં અગાઉથી કાર્યરત (૩૦૦ મેગાવોટ), નિર્માણાધીન (૫૦૦ મેગાવોટ) અને પ્રગતિ હેઠળના (૨૫૦ મેગાવોટ)ના સોલાર અને વિન્ડ પાવર સાથેના  મિશ્રણનો સમાવેશ થશે. આ સંયુકત સાહસમાં અદાણી ગ્રીન એનર્જી લિ. અસ્કયામતો અને ટોટલ એનર્જીસ ૩૦૦ MUS$ના ઇક્વિટી રોકાણમાં યોગદાન આપશે જે તેમના વિકાસને વધુ ટેકો આપશે. આ નવા કરારના કારણે ૨૦૩૦ સુધીમાં ૪૫ ગીગાવોટ રિન્યુએબલ પાવર ક્ષમતાના લક્ષ્યને આંબવા સાથે રિન્યુએબલ એનર્જીના ક્ષેત્રમાં ભારતને અગ્રગણ્ય બનાવવામાં કંપનીને પીઠબળ આપશે.

અદાણી ગ્રુપના ચેરમેન ગૌતમ અદાણીએ જણાવ્યું કે,  આ રોકાણ ભારતના ડીકાર્બોનાઇઝેશન તરફના માર્ગને સરળ બનાવવામાં અદાણી ગ્રીન એનર્જી લિ.દ્વારા ભજવવામાં આવી રહેલી  મુખ્ય ભૂમિકાને વધુ મજબૂત કરશે. જેના કારણે ૨૦૩૦ સુધીમાં ૪૫ ગીગાવોટ રિન્યુએબલ એનર્જીની ક્ષમતા ધરાવવાનું અમારું વિઝન પૂરું કરવામાં મદદ મળશે.

ટોટાલએનર્જીસના ચેરમેન પેટ્રિક પોઉઆનેએ જણાવ્યું કે આ નવું સંયુક્ત સાહસ અમને અસ્કયામતોના વિશાળ પોર્ટફોલિયોની સીધી ઍક્સેસ દ્વારા અમારા વિકાસને ઝડપી બનાવવા અને રીન્યુએબલ એનર્જીના ક્ષેત્રે ટોચની  ભારતીય કંપની તરીકે ઉભરી આવવાની અદાણી ગ્રીન એનર્જી  લિ.ની મહત્વાકાંક્ષાને સમર્થન આપવા સક્ષમ બનાવશે.