અદાણી ગ્રૂપે જાપાનીઝ માર્કેટમાં ગ્રીન હાઇડ્રોજનના માર્કેટિંગ માટે સંયુક્ત સાહસ રચ્યું

અમદાવાદ, 14 સપ્ટેમ્બર 2023: અદાણી એન્ટરપ્રાઈઝિસની માલિકીની અદાણી ગ્લોબલ Pte લિમિટેડ, સિંગાપોરે ગ્રીન એમોનિયાના વેચાણ અને માર્કેટિંગ માટે કોવા હોલ્ડિંગ્સ એશિયા Pte લિમિટેડ, સિંગાપોર સાથે 50:50 સંયુક્ત સાહસ (JV)ની જાહેરાત કરી છે. આ સંયુક્ત સાહસ જાપાન, તાઈવાન અને હવાઈમાં ઉત્પાદનોના માર્કેટિંગ પર ધ્યાન કેન્દ્રિત કરશે.

ગ્રીન હાઇડ્રોજન માર્કેટિંગ માટે કોવા સાથેનું સંયુક્ત સાહસ અદાણી ગ્રૂપના કોવા સાથે લાંબા સમયથી ચાલતા માર્કેટિંગ અને ટ્રેડિંગ સંબંધોનું વ્યૂહાત્મક વિસ્તરણ છે. અદાણી ન્યૂ ઇન્ડસ્ટ્રીઝ લિ. (ANIL), અદાણી ગ્રૂપનું ગ્રીન હાઇડ્રોજન પ્લેટફોર્મ વૈશ્વિક સ્તરે સ્પર્ધાત્મક ગ્રીન હાઇડ્રોજન અને તેની સાથે સંકળાયેલ ટકાઉ ડેરિવેટિવ્ઝનું ઉત્પાદન કરવા માટે એન્ડ-ટુ-એન્ડ સોલ્યુશન્સ વિકસાવી રહ્યું છે.

ANILની વ્યૂહરચના: સપ્લાય ચેઈન પ્રોડક્ટ્સનું ઉત્પાદન (સોલાર- પોલિસિલિકોન, ઈન્ગોટ, વેફર, સેલ અને મોડ્યુલ, વિન્ડ ટર્બાઈન જનરેટર, ઈલેક્ટ્રોલાઈઝર અને આનુષંગિક વસ્તુઓ) અને ગ્રીન હાઇડ્રોજન જનરેશન તથા ડાઉનસ્ટ્રીમ ડેરિવેટિવ ઉત્પાદનોનું ઉત્પાદન (ગ્રીન એમોનિયા, ગ્રીન મિથેનોલ, ટકાઉ ઉડ્ડયન બળતણ અને અન્ય).

ગુજરાતમાં 1MMTPA ગ્રીન હાઈડ્રોજન પ્રોજેક્ટ શરૂ

અદાણી ન્યૂ ઇન્ડસ્ટ્રીઝ લિમિટેડ (ANIL)નો 1 મિલિયન મેટ્રિક ટન પ્રતિ વર્ષ (MMTPA) ગ્રીન હાઇડ્રોજનનો પ્રથમ પ્રોજેક્ટ ગુજરાતમાં તબક્કાવાર અમલમાં મૂકવામાં આવી રહ્યો છે. પ્રારંભિક તબક્કામાં FY2027 સુધીમાં ઉત્પાદન શરૂ થવાની ધારણા છે. બજારની સ્થિતિના આધારે, ANIL એ લગભગ USD 50 અબજના રોકાણ સાથે આગામી 10 વર્ષમાં ગ્રીન હાઇડ્રોજનની ક્ષમતા 3 MMTPA સુધી વધારવાનું લક્ષ્ય રાખ્યું છે.

ANIL તેના લક્ષ્યોને સાકાર કરવા અને વૈશ્વિક સ્તરે સ્પર્ધાત્મક ખર્ચે ગ્રીન મોલેક્યુલ્સ અને ટકાઉ ઇંધણ પ્રદાન કરવા માટે સારી રીતે સ્થિત છે. મુન્દ્રા બંદરોની વૈશ્વિક સપ્લાય ચેઇનની નિકટતા ગ્રીન હાઇડ્રોજન અને ડેરિવેટિવ્ઝની નિકાસની તકને સક્ષમ કરે છે.