આનંદ રાઠી વેલ્થનો ચોખ્ખો નફો 3 માસમાં 35 ટકા વધ્યો

મુંબઈ: આનંદ રાઠી વેલ્થ લિમિટેડએ ઓક્ટોબર-ડિસેમ્બર, 2023ના ગાળામાં કુલ ચોખ્ખો નફો ₹ 43 કર્યો છે, જે ઓક્ટોબર-ડિસેમ્બર, 2021 કરતાં 35 ટકા વધારે છે અને કુલ આવક સંબંધિત ગાળા કરતાં 29 ટકા વધીને ₹ 140 કરોડ થઈ છે. કંપનીએ એપ્રિલથી ડિસેમ્બર, 2022 (નાણાકીય વર્ષ 2022-23ના 9 મહિના)માં ₹ 126 કરોડનો કુલ ચોખ્ખો નફો કર્યો હતો, જે એપ્રિલથી ડિસેમ્બર, 2021 (નાણાકીય વર્ષ 2021-22ના 9 મહિના)થી 37 ટકા વધારે છે અને સમાન ગાળામાં કુલ આવક 32 ટકા વધીને ₹ 412 કરોડ થઈ છે. કંપનીના ચીફ એક્ઝિક્યુટિવ ઓફિસર શ્રી રાકેશ રાવલે કહ્યું હતું કે નાણાકીય વર્ષ 2022-23ના નવ મહિનામાં આવક 32 ટકા વધી હતી અને પીએટી (કરવેરાની ચુકવણી પછીનો નફો) 37 ટકા સુધી વધ્યો હતો. આ અભિગમથી અમારી એયુએમ વાર્ષિક ધોરણે 20 ટકા વધીને  ₹ 38, 517 કરોડ થઈ હતી.