એટલાન્ટા ઇલેક્ટ્રિકલ્સે IPO માટે DRHP ફાઇલ કર્યું

અમદાવાદ, 6 ફેબ્રુઆરીઃ એટલાન્ટા ઇલેક્ટ્રિકલ લિમિટેડે પ્રારંભિક જાહેર ભરણા (આઇપીઓ) માટે સેબી સાથે ડીઆરએચપી ફાઇલ કર્યું છે. નાણાકીય વર્ષ 2024માં પ્રોડક્શન વોલ્યુમની દ્રષ્ટિએ (સ્રોતઃ ક્રિસિલ રિપોર્ટ) ભારતમાં પાવર, ઓટો અને ઇન્વર્ટર ડ્યુટી ટ્રાન્સફોર્મર્સના અગ્રણી ઉત્પાદકો પૈકીના એક કંપની 200 મેગા વોટ-એએમપી (એમવીએ) ક્ષમતા અને 220 કિલોવોટ (કેવી) વોલ્ટેડ સુધીના ટ્રાન્સફોર્મર્સનું ઉત્પાદન કરે છે. (સ્રોતઃ ક્રિસિલ રિપોર્ટ).

કંપનીના પ્રમોટર્સમાં કૃપેશભાઇ નરહરિભાઈ પટેલ, નિરલ કૃપેશભાઇ પટેલ, અમીષ કૃપેશભાઇ પટેલ, તન્મય સુરેન્દ્રભાઈ પટેલ, નરહરિભાઈ એસ. પટેલ ફેમિલી ટ્રસ્ટ, પટેલ ફેમિલી ટ્રસ્ટી પ્રાઇવેટ લિમિટેડ, નિરલ પટેલ ફેમિલી ટ્રસ્ટ, અમીષ પટેલ ફેમિલી ટ્રસ્ટ, તન્મય પટેલ ફેમિલી ટ્રસ્ટ અને એટલાન્ટા યુએચવી ટ્રાન્સફોર્મર્સ એલએલપીનો સમાવેશ થાય છે.

આ જાહેર ભરણામાં પ્રતિ શેર રૂ. 2ની મૂળ કિંમત સાથે કુલ રૂ. 400 કરોડના ઇક્વિટી શેર્સનો ફ્રેશ ઇશ્યૂ તથા 3,810,895 ઇક્વિટી શેર્સ સુધીના ઓફર ફોર સેલ સામેલ છે. આ ઓફરમાં પાત્ર કર્મચારીઓ દ્વારા સબસ્ક્રિપ્શન માટે ઇક્વિટી શેર્સનું રિઝર્વેશન સામેલ છે.

કંપની આઇપીઓ દ્વારા પ્રાપ્ત ભંડોળનો ઉપયોગ તેના દ્વારા લેવાયેલા ઋણના સંપૂર્ણ અથવા આંશિક રિપેમેન્ટ/પ્રીપેમેન્ટ માટે, કંપનીની કાર્યકારી મૂડીની જરૂરિયાતને પૂર્ણ કરવા અને કોર્પોરેટના સામાન્ય હેતુઓ માટે કરવાની દરખાસ્ત છે.

કંપની બીઆરએલએમ સાથે પરામર્શ કરીને રેડ હેરિંગ પ્રોસ્પેક્ટસ (“પ્રી-આઇપીઓ પ્લેસમેન્ટ”) ફાઇલ કરતા પહેલા રૂ. 80 કરોડ રૂપિયા સુધીના પ્રેફરેન્શિયલ ઇશ્યૂ દ્વારા અથવા લાગુ કાયદા હેઠળ પરવાનગી મુજબ કોઈપણ અન્ય પદ્ધતિ દ્વારા ચોક્કસ સિક્યોરિટીઝના વધુ ઇશ્યૂ પર વિચાર કરી શકે છે. જો પ્રી-આઇપીઓ પ્લેસમેન્ટ હાથ ધરવામાં આવે છે તો તે બીઆરએલએમ સાથે પરામર્શ કરીને કંપની દ્વારા નક્કી કરવામાં આવનાર કિંમત પર હશે. જો પ્રી-આઇપીઓ પ્લેસમેન્ટ પૂર્ણ થાય છે, તો પ્રી-આઇપીઓ પ્લેસમેન્ટ અનુસાર એકત્ર કરવામાં આવેલી રકમ એસસીઆરઆર ના નિયમ 19(2) (b) ના પાલનને આધીન, ફ્રેશ ઇશ્યૂમાંથી ઘટાડવામાં આવશે.

મોતિલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ અને એક્સિસ કેપિટલ લિમિટેડ ઇશ્યૂના બુક રનિંગ લીડ મેનેજર્સ છે.

રેડ હેરિંગ પ્રોસ્પેક્ટસ દ્વારા ઓફર કરાયેલા ઇક્વિટી શેર્સ બીએસઇ એનએસઇ ઉપર લિસ્ટ થવાની દરખાસ્ત છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)