કોન્કોર્ડ કંટ્રોલ સિસ્ટમ્સ લિમિટેડે પ્રેફરન્શિયલ ઇક્વિટી શેર ઇશ્યૂની જાહેરાત કરી

અમદાવાદ,2 ડિસેમ્બર: એમ્બેડેડ ઇલેક્ટ્રોનિક સિસ્ટમ્સની અગ્રણી ઉત્પાદક અને ક્રિટિકલ ઇલેક્ટ્રોનિક સોલ્યુશન્સ કંપની કોન્કોર્ડ કંટ્રોલ સિસ્ટમ્સ લિમિટેડે (BSE: CNCRD) જાહેરાત કરી છે કે તેના બોર્ડ ઓફ ડિરેક્ટર્સે 2,38,500 સુધીના ફુલ્લી પેઇડ-અપ ઇક્વિટી શેરના પ્રેફરન્શિયલ ઇશ્યૂને મંજૂરી આપી છે. આ ઇશ્યૂની કિંમત નોંધપાત્ર પ્રીમિયમ સહિત પ્રતિ શેર રૂ. 2,100 છે. શેરધારકો અને નિયમનકારી મંજૂરીઓને આધીન રહીને ઇશ્યૂ હેઠળ આશરે રૂ. 50,08,50,000 એકત્રિત કરવાની યોજના છે.

પ્રેફરન્શિયલ ઇશ્યૂમાં હાલના રોકાણકારો તરફથી મજબૂત વિશ્વાસ જોવા મળ્યો હતો, જેમાં આશિષ રમેશચંદ્ર કચોલિયા, સાંશી ફંડ ગ્રુપ અને નવા પ્રવેશેલા સેજ વન ફ્લેગશિપ ગ્રોથ ઓપન-એન્ડેડ ફંડ જેવા અગ્રણી રોકાણકારોનો સમાવેશ થાય છે, જે કોન્કોર્ડની વૃદ્ધિની વ્યૂહરચના અને બજારની સંભાવનાને મજબૂત સમર્થન આપે છે.

આ વ્યૂહાત્મક મૂડી રોકાણનો ઉદ્દેશ્ય કોન્કોર્ડની વિસ્તરણ યોજનાઓને આગળ વધારવા, નવી ટેકનોલોજીમાં રોકાણ કરવા અને વધતી જતી બજાર માંગને પહોંચી વળવા ઉત્પાદન ક્ષમતાઓમાં વધારો કરવાનો છે. અગ્રણી ફંડ્સ અને મહત્વના હિસ્સેદારો સહિતના પસંદગીના રોકાણકારોને પ્રેફરન્શિયલ એલોટમેન્ટ કરવામાં આવશે જે કોન્કોર્ડને ભવિષ્યના ટકાઉ વિકાસ અને નવીનતા માટે સ્થાન આપે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)