Duroflex Limited એ DRHP ફાઇલ કર્યું

અમદાવાદ, 17 ઓક્ટોબર: ડ્યુરોફ્લેક્સ લિમિટેડે IPO માટે ભંડોળ એકત્રિત કરવા સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફિલ કર્યું છે. 1963માં સ્થપાયેલી અને બજાર હિસ્સાની બાબતે ભારતમાં ટોચની ત્રણ મેટ્રેસીસ કંપનીઓ પૈકીની એક આ કંપની ડ્યુરોફ્લેક્સ, સ્લીપીહેડ અને પરફેક્ટ રેસ્ટ બ્રાન્ડ્સ હેઠળ મેટ્રેસીસ, ફોમ, ફર્નિચર, પિલો, એસેસરીઝ અને અન્ય બેડિંગ પ્રોડક્ટ્સ પૂરી પાડે છે. 30 જૂન, 2025ના રોજ ડ્યુરોફ્લેક્સ  73 કંપની ઑન્ડ કંપની ઓપરેટેડ સ્ટોર્સ, 5,576 થી વધુ જનરલ ટ્રેડ સ્ટોર્સ અને મજબૂત ડિજિટલ હાજરી સાથે વ્યાપક નેટવર્ક ધરાવે છે અને દેશભરના ગ્રાહકોને સેવાઓ પૂરી પાડે છે.

DRHP મુજબ IPOમાં રૂ. 1,836 મિલિયન (રૂ. 183 કરોડ)ના મૂલ્યના ઇક્વિટી શેર્સના ફ્રેશ ઇશ્યૂ અને પ્રમોટર તથા વર્તમાન રોકાણકારો દ્વારા 2,25,64,569 સુધીના ઇક્વિટી શેર્સના વેચાણ માટેની ઓફર (COCO)નો સમાવેશ થાય છે જેમાં કુલ ઓએફએસ ક્વોન્ટમની વિગતો આરએચપી ફાઇલિંગ કરતા પહેલા કન્ફર્મ કરવામાં આવશે.

કંપની ઇશ્યૂની કુલ આવકનો આ મુજબ ઉપયોગ કરવાની દરખાસ્ત કરે છેઃ (1) 120 નવા COCO સ્ટોર્સ ઊભા કરવા માટે કંપની દ્વારા કરવામાં આવેલા મૂડી ખર્ચ માટે (2) હાલના COCO સ્ટોર્સ તથા મેન્યુફેક્ચરિંગ ફેસિલિટી – VII માટે લીઝ, સબ-લીઝ રેન્ટ અને લાયસન્સ ફી માટેના ખર્ચ પેટે (3) બ્રાન્ડની જાગૃતતા તથા વિઝિબિલિટી વધારવા માટે માર્કેટિંગ અને જાહેરખબરના ખર્ચ માટે તથા (4) સામાન્ય કોર્પોરેટ હેતુઓ માટે.

જેએમ ફાઇનાન્શિયલ લિમિટેડ અને મોતીલાલ ઓસ્વાલ એડવાઇઝર્સ લિમિટેડ આ ઇશ્યૂના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)