જેમ્સ-જ્વેલરી નિકાસ એપ્રિલમાં 4.62% ઘટી 203 કરોડ ડોલર

મુંબઈ, 15 મેઃ દેશમાંથી જેમ્સ-જ્વેલરી નિકાસ એપ્રિલમાં 4.62 ટકા ઘટી 203 કરોડ ડોલર થઈ હતી. ગત વર્ષે આ ગાળામાં 213 કરોડ ડોલરની નિકાસ થઈ હતી. જેમ્સ-જ્વેલરી એક્સપોર્ટ પ્રમોશન કાઉન્સિલ (GJEPC)એ આ ડેટા જાહેર કર્યા હતા. કાઉન્સિલે કહ્યું હતું કે કટ એન્ડ પોલિશ્ડ ડાયમંડની નિકાસ 6.12 ટકા ઘટીને 110 કરોડ ડોલર થઈ હતી, જે ગત વર્ષે આ ગાળામાં 118 કરોડ ડોલર હતી.

ગોલ્ડ જ્વેલરીની નિકાસ એપ્રિલમાં 5.41 ટકા ઘટીને 68 કરોડ ડોલર થઈ હતી, જે ગત વર્ષે આ ગાળામાં 72 કરોડ ડોલર હતી. પોલિશ્ડ લેબ ગ્રોવ્ન ડાયમંડની નિકાસ ઓલમોસ્ટ ફ્લેટ 0.41 ટકા વધીને 11.07 કરોડ ડોલર થઈ હતી. ગત વર્ષે આ ગાળામાં તેની નિકાસ 11.02 કરોડ ડોલર હતી. સિલ્વર જ્વેલરીની નિકાસ 12.03 ટકા ઘટીને 3.83 કરોડ ડોલર થઈ હતી. કલર્ડ જેમસ્ટોન્સની નિકાસ 11.95 ટકા વધીને 2.77 કરોડ ડોલર થઈ હતી, જે ગત વર્ષે આ ગાળામાં 2.48 કરોડ ડોલર હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)