IndiGo Q4 ચોખ્ખો નફો બમણો વધી રૂ.1895 કરોડ

અમદાવાદ, 23 મેઃ ઈન્ટરગ્લોબ એવિએશન લિમિટેડે 31 માર્ચ, 2024 ના રોજ પૂરા થયેલા ત્રિમાસિક ગાળામાં રૂ. 1894.8 કરોડનો નફો નોંધાવ્યો હતો, કંપનીએ વર્ષ અગાઉના સમયગાળામાં રૂ. 919 કરોડનો ચોખ્ખો નફો નોંધાવ્યો હતો પરંતુ Q4FY22માં રૂ. 1,680 કરોડની ખોટ નોંધાવી હતી. ઑક્ટોબર-ડિસેમ્બર ક્વાર્ટરમાં ઇન્ડિગોનો નફો 111 ટકા વધ્યો હતો. કામગીરીમાંથી કંપનીની આવક ગયા નાણાકીય વર્ષમાં રૂ. 14,161ની સરખામણીએ 26 ટકા વધીને રૂ. 17,825.3 કરોડ થઈ હતી. EBITDAR (વ્યાજ, કર, અવમૂલ્યન, ઋણમુક્તિ અને ભાડા પહેલાંની કમાણી) એક વર્ષ અગાઉના રૂ. 2,966.5 કરોડની સરખામણીએ વધીને રૂ. 4,412.3 કરોડ થઈ, જ્યારે તેનું માર્જિન 20.9 ટકાથી વધીને 24.8 ટકા થયું. માર્ચ ક્વાર્ટરમાં કંપનીનું કુલ દેવું વાર્ષિક ધોરણે 14.3 ટકા વધીને રૂ. 51,280 કરોડ થયું હતું, જ્યારે કુલ રોકડ રૂ. 48.3 ટકા વધીને રૂ. 34,737.5 કરોડ થઈ હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)