ફુગાવો સતત 7મા મહિને ઘટી 5.66 ટકા થયો

નવી દિલ્હી, 12 એપ્રિલઃ ભારતમાં CPI આધારિત રિટેલ ફુગાવો વાર્ષિક ધોરણે માર્ચ 2023માં ઘટીને 5.66 ટકા થયો છે. માર્ચ 2022માં રિટેલ ફુગાવાનો દર 6.95 ટકા હતો. ફેબ્રુઆરી 2023માં ભારતનો રિટેલ મોંઘવારી દર ઘટીને 6.4 ટકા થઈ ગયો હતો. માર્ચ 2023 એ સતત 7મો મહિનો છે જ્યારે રિટેલ ફુગાવાના દરમાં ઘટાડો નોંધાયો છે.

ફેબ્રુઆરી 2023માં કન્ઝ્યુમર ફૂડ પ્રાઇસ ઇન્ડેક્સ (CFPI) 5.95 ટકા હતો, જે ઘટીને 4.79 ટકા થઈ ગયો છે. જ્યારે ગયા વર્ષે માર્ચ 2022માં તે 7.68 ટકા હતો. માર્ચ 2023માં ગ્રામીણ ફુગાવાનો દર 5.51 ટકા હતો જ્યારે શહેરી ફુગાવો 5.89 ટકા હતો.

RBIએ મોંઘવારીને અંકુશમાં લેવા 250 bpsનો વધારો કર્યો

ફુગાવાને અંકુશમાં લેવાના પ્રયાસમાં, રિઝર્વ બેન્ક ઓફ ઈન્ડિયા (RBI) એ મે 2022થી અત્યાર સુધીમાં રિપોર્ટમાં 250 બેસિસ પોઈન્ટનો વધારો કર્યો છે. 31 માર્ચે પૂરા થયેલા છેલ્લા નાણાકીય વર્ષમાં આરબીઆઈએ સરેરાશ વાર્ષિક રિટેલ ફુગાવો 6.5 ટકા રહેવાનો અંદાજ મૂક્યો હતો.

છેલ્લા 6 મહિનામાં રિટેલ ફુગાવાના આંકડા