LIC એ “વન મેન ઓફિસ”નું અનાવરણ કર્યું

અમદાવાદ, 20 ફેબ્રુઆરી : સેલ્સ ફોર્સને સશક્ત બનાવવા અને પોલિસીધારકોને 24 x 7 ધોરણે ડિજિટલ રીતે સીમલેસ સેવાઓ સુનિશ્ચિત કરવાના સતત પ્રયાસોને ચાલુ રાખીને, LICએ તેના એજન્ટો દ્વારા “વન મેન ઓફિસ” (OMO) ઓનલાઇન સેવાનું અનાવરણ કર્યું છે. વન મેન ઓફિસ દ્વારા, LIC નો ઉદ્દેશ્ય એજન્ટો, વિકાસ અધિકારીઓ, વરિષ્ઠ વ્યાપાર સહયોગીઓ, મુખ્ય જીવન વીમા સલાહકારો, LIC એસોસિએટ્સ અને મુખ્ય આયોજક સહિત તેના સેલ્સ ફોર્સને એક વ્યાપક ડિજિટલ ઇકોસિસ્ટમ પ્રદાન કરવાનો છે, જે તેમના રોજિંદા કાર્યોમાં મદદ કરે છે, તેમની કાર્યક્ષમતા અને ઉત્પાદકતાને મજબૂત બનાવે છે અને અમારા ગ્રાહકોને વધુ સારી સેવાઓ સુનિશ્ચિત કરે છે. આ સેવા 17-02-2025 ના રોજ શરૂ કરાઈ.

આ પ્રસંગે બોલતા, LIC ઓફ ઇન્ડિયાના CEO અને MD સિદ્ધાર્થ મોહંતીએ જણાવ્યું હતું કે જીવન વીમાને પ્રોત્સાહન આપવા અને LICના ગ્રાહકોને ગમે ત્યારે અને ગમે ત્યાં સેવા પ્રદાન કરવા માટે સેલ્સ ફોર્સના હાથે તે એક મહત્વપૂર્ણ સાધન બનશે. ‘2047 સુધીમાં બધા માટે વીમો’ ના ઉદ્દેશ્યને પ્રાપ્ત કરવા માટે આ એક મહત્વપૂર્ણ સાધન હશે.

આ સેવાઓ ગ્રાહકોને ઓનબોર્ડ કરવા માટે ANANDA (Atma Nirbhar Agents New Business Digital Application) પ્લેટફોર્મ દ્વારા ઓફર કરવામાં આવે છે અને તેમાં પ્રીમિયમ કેલ્ક્યુલેટર, ફાયદાની માહિતી, E-NACH રજીસ્ટ્રેશન, સરનામું બદલવું, ઓનલાઈન લોન વિનંતી, નવીકરણ પ્રીમિયમ ચુકવણીઓ, દાવા સંબંધિત આવશ્યકતા સબમિશન વગેરે જેવી સુવિધાઓ હશે. તેમાં ગ્રાહકોને મદદ કરવા માટે એજન્ટોને સહાય કરવા માટે નોલેજ સેન્ટર, વિવિધ વીમા અને આરોગ્ય સંબંધિત કેલ્ક્યુલેટર, ઓફિસ લોકેટર, NEFT શોધ વગેરે પણ હશે.