માર્કેટ લેન્સઃ NIFTY માટે સપોર્ટ 24421- 24341, રેઝિસ્ટન્સ 24642- 24783

તીવ્ર વેચવાલી પછી, રાહત રેલી શક્ય બની શકે છે, પરંતુ ટકશે કેટલું તે શંકાનો વિષય છે. NIFTY જો NIFTY નિર્ણાયક રીતે 24,400 (સપોર્ટ ટ્રેન્ડલાઇન) તોડે, તો 24,260 (200-દિવસ EMA) જોવા જેવું લેવલ છે. જોકે, 24,600–24,700 ઉપર તરફ સંભવિત રેઝિસ્ટન્સ જોવા મળી શકે છે.

અમદાવાદ, 29 ઓગસ્ટઃ NIFTYએ ફરી 24500નું લેવલ તોડ્યું છે. જ્યાં NIFTY માટે હવે 24416- 24450ના લેવલ મહત્વના સપોર્ટ લેવલ્સ બની શકે છે. આરએસઆઇ 40ના લેવલે સજેસ્ટ કરે છે કે, NIFTY વિક મોમેન્ટમ ઝોનમાં પ્રવેશ્યો છે. પરંતુ હજી ઓવરસોલ્ડ કન્ડિશન ગણાવી શકાય નહિં, તેથી શોર્ટટર્મ સંકેતો સુધારાના જણાય છે. રિલાયન્સ સિક્યુરિટીઝનો ટેકનિકલ રિસર્ચ રિપોર્ટ પણ સૂચવે છે કે, 20 દિવસીય એસએમએ 24723 પોઇન્ટ મહત્વની રેઝિસ્ટન્સ તરીકે વર્તવા સાથે તે લેવલ ક્રોસ થાય તો જ 24750 25000ના લેવલ્સ ફરી હાંસલ થાય તેવી શક્યતા છે.

NIFTY અને બેંક NIFTYએ લોંગ બેરિશ કેન્ડલસ્ટીક પેટર્ન્સ અને નેગેટિવ ઇન્ડિકેટર્સ સાથે બીજા સત્ર માટે ઘટાડાની ચાલ નોંધાવી છે. જે મંદીવાળા સેન્ટિમેન્ટનો સંકેત આપે છે. નિષ્ણાતોના મતે, તીવ્ર વેચવાલી પછી, રાહત રેલી શક્ય બની શકે છે, પરંતુ તેની ટકાઉપણું કેટલું રહેશે તે જોવાનું રહે છે. જો NIFTY નિર્ણાયક રીતે 24,400 (સપોર્ટ ટ્રેન્ડલાઇન) તોડે, તો 24,260 (200-દિવસ EMA) જોવા જેવું લેવલ છે. જોકે, 24,600–24,700 ઉપર તરફ સંભવિત રેઝિસ્ટન્સ જોવા મળી શકે છે.

જો બેંક NIFTY પાછલા દિવસની બંધ સપાટી જાળવી રાખે છે, તો 54,000–54,400 તરફ ફરી શકે છે. જોકે, તેનાથી નિર્ણાયક રીતે ઘટાડાની ચાલમાં 53,570 (200-દિવસના EMA) માટે દરવાજા ખોલી શકે છે તેવું નિષ્ણાતોએ જણાવ્યું હતું.

28 ઓગસ્ટના રોજ, NIFTY 211 પોઈન્ટ (0.85 ટકા) ઘટીને 24,501 પર બંધ થયો હતો, જ્યારે બેંક NIFTY 630 પોઈન્ટ (1.16 ટકા) ઘટીને 53,820 પર બંધ થયો હતો. માર્કેટબ્રેડ્થ નેગેટિવ રહેવા સાથે NSE પર સુધરેલા 835 શેરની સરખામણીમાં કુલ 1,901 શેરમાં ઘટાડાની ચાલ જોવા મળી હતી.

ઇન્ડિયા VIX: દૈનિક ચાર્ટ પર 0.12 ટકા ઘટીને 12.18 પર પહોંચ્યો, પરંતુ તેની ટૂંકા ગાળાની મૂવિંગ એવરેજથી ઉપર રહ્યો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)