પ્રોફિટ બુકિંગ પ્રેશરઃ સેન્સેક્સ ઇન્ટ્રા-ડે હાઇથી 550 પોઈન્ટ્સ ઘટ્યો

અમદાવાદ, 11 જૂનઃ નિફ્ટી અને સેન્સેક્સ 11 જૂનના રોજ મોટાભાગે ફ્લેટ-થી-પોઝિટિવ ટ્રેડ થયા હતા, જેમાં NSE નિફ્ટી તેના ઓલ-ટાઇમ હાઇને સ્પર્શી ગયો હતો. જો કે, બેન્ચમાર્ક સૂચકાંકોએ ટ્રેડિંગ સેશનના અંતમાં સુધારો ગુમાવવા સાથે ફ્લેટ બંધ આપ્યું હતું. બંધ સમયે, સેન્સેક્સ 33 પોઈન્ટ અથવા 0.04 ટકા ઘટીને 76,456 પર અને નિફ્ટી 50 5.60 પોઈન્ટ અથવા 0.02 ટકા વધીને 23,265 પર હતો. લગભગ 2,366 શેર વધ્યા, 1,276 શેર ઘટ્યા અને 94 શેર યથાવત રહ્યા.

નિફ્ટીમાં સૌથી વધુ નુકસાનમાં કોટક મહિન્દ્રા બેંક, ડિવીઝ લેબ્સ અને એશિયન પેઇન્ટ્સનો સમાવેશ થાય છે જ્યારે સૌથી વધુ ફાયદો ONGC, L&T અને અદાણી પોર્ટ્સનો સમાવેશ થાય છે. સેક્ટોરલ્સ પૈકી નિફ્ટી રિયલ્ટી અને નિફ્ટી મીડિયામાં સૌથી વધુ વધારો થયો હતો, જે દરેકમાં 1 ટકાથી વધુ વધ્યો હતો. દરમિયાન, નિફ્ટી ફાર્મા અને નિફ્ટી હેલ્થકેર સૌથી વધુ ઘટ્યા હતા, જે અનુક્રમે 0.4 ટકા અને 0.5 ટકા ઘટ્યા હતા.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)