Sensex 1000 પોઈન્ટની વોલેટિલિટી બાદ 358 પોઈન્ટ વધ્યો, Nifty50એ 21 હજારની સપાટી જાળવી

અમદાવાદ, 21 ડિસેમ્બરઃ શેરબજારના આજે પ્રિ-ઓપનિંગ સેશનમાં 1600 પોઈન્ટના કડાકા જોયા બાદ રોકાણકારો ઘબરાયા હતા. સેન્સેક્સ અને નિફ્ટી પણ ઘટાડે ખૂલ્યા બાદ સેન્સેક્સ એક તબક્કે 585.92 પોઈન્ટ, જ્યારે નિફ્ટી 21 હજારનું લેવલ તોડી 20976.80 થયો હતો. જો કે, બાદમાં લેવાલી વધતાં અંતે સેન્સેક્સ 358.79 પોઈન્ટ સુધર્યો હતો. નિફ્ટી પણ 104.90 પોઈન્ટના સુધારા સાથે 21000નું લેવલ જાળવી 21255.05 પર બંધ રહ્યો હતો.

સેન્સેક્સ પેકની 30 સ્ક્રિપ્સ પૈકી 21 સ્ક્રિપ્સમાં સુધારો અને 9 ઘટાડે બંધ રહી હતી. સેક્ટોરલ ઈન્ડેક્સમાં સાર્વત્રિક સુધારો નોંધાયો હતો. Tarsons Products Ltd.નો શેર આજે 14.29 ટકા ઉછાળા સાથે 554.80 પર બંધ આપી ટોપ પર્ફોર્મર રહ્યો હતો. હિન્દુસ્તાન કોપર પણ 10.71 ટકા ઉછળી 217.65 પર બંધ રહ્યો હતો.

નિષ્ણાતોની નજરે માર્કેટ

“ધીમી શરૂઆત પછી, બાય-ઓન-ડિપ્સ વ્યૂહરચના વચ્ચે બજાર દિવસના નીચા સ્તરેથી પલટાયું હતું. જો કે, એકંદરે વલણ નીચું છે, તહેવારોના વેકેશન મૂડમાં FII મ્યૂટ રહ્યા હતા અને યુએસના જીડીપી આંકડાઓની જાહેરાત પહેલાં વૈશ્વિક બજાર નેગેટીવ ઝોન પર ટ્રેડ થયું હતું. પીક વેલ્યુએશનને કારણે નજીકના ગાળામાં કેટલાક કોન્સોલિડેશનની ખાતરી આપવામાં આવે છે. ઊંચા સ્થાનિક ખાદ્ય ફુગાવાની ચિંતા સાથે તેલની કિંમતોમાં ધીમે ધીમે વધારો છેલ્લા 2 મહિનાની ખેંચાયેલી તેજીમાં અવરોધ બની શકે છે” – વિનોદ નાયર, હેડ ઓફ રિસર્ચ, જિયોજીત ફાઈનાન્સિયલ રિસર્ચ

વૈશ્વિક બજારોમાં રિબાઉન્ડને પગલે નિફ્ટી નીચા સ્તરેથી રિકવર થયો હતો. નિફ્ટી મિડકેપ 100 અને સ્મોલકેપ 100 એ 1.5% કરતા વધુ ઉછાળા સાથે બ્રોડર માર્કેટ આઉટપરફોર્મર રહ્યું હતું. કંપનીઓને સરકાર તરફથી આદેશ મળ્યા બાદ સંરક્ષણ જેવા વિશિષ્ટ ક્ષેત્ર પર ધ્યાન કેન્દ્રિત કરવામાં આવ્યું હતું. જોકે ગઈ કાલે માર્કેટમાં પ્રોફિટ બુકિંગ જોવા મળ્યું હતું, પરંતુ મજબૂત માઈક્રો અને મેક્રો ડોમેસ્ટિક પરિબળોને કારણે અંતર્ગત સેન્ટિમેન્ટ્સ સકારાત્મક રહ્યા હતા. અમે અપેક્ષા રાખીએ છીએ કે બજાર યુએસ જીડીપી ડેટા પર પ્રતિક્રિયા આપશે જે ગુરુવારના અંતમાં રિલીઝ થશે. ક્રિસમસ અને નવા વર્ષની રજાઓ પહેલા વૈશ્વિક સ્તરે રોકાણકારોની ભાગીદારી ધીમે ધીમે ઘટવાની ધારણા હોવાથી વધુ બજારો શ્રેણીમાં આગળ વધે તેવી શક્યતા છે. –સિદ્ધાર્થ ખેમકા, હેડ-રિટેલ રિસર્ચ, મોતિલાલ ઓસ્વાલ ફાઈનાન્સિયલ સર્વિસિઝ