વેલસ્પન લિવિંગે 2024માં ટેક્સટાઇલ, એપેરલ- લક્ઝરી ગુડ્સ કેટેગરીમાં સર્વોચ્ચ ESG રેટિંગ પ્રાપ્ત કર્યું

મુંબઈ, 20 ફેબ્રુઆરી: હોમ ટેક્સટાઇલમાં વૈશ્વિક અગ્રણી વેલસ્પન લિવિંગ લિમિટેડ (WLL) એ ટકાઉપણું (સસ્ટેનેબિલિટી)માં એક નોંધપાત્ર સીમાચિહ્ન હાંસલ કર્યું છે, 2024 S&P ગ્લોબલ કોર્પોરેટ સસ્ટેનેબિલિટી એસેસમેન્ટ (CSA) માં કુલ 83 ESG (એન્વાયર્નમેન્ટલ, સોસિયલ, અને ગવર્નન્સ) નો સ્કોર મેળવ્યો છે. આ માન્યતા ટેક્સટાઇલ, એપેરલ અને લક્ઝરી ગુડ્સ કેટેગરીમાં ભારતની સર્વોચ્ચ ક્રમાંકિત ટેક્સટાઇલ મેન્યુફેક્ચરિંગ કંપની તરીકે WLL ના ચાલુ નેતૃત્વને મજબૂત બનાવે છે. આ સ્કોર CSA માં વેલસ્પન લિવિંગને વૈશ્વિક સ્તરે ચોથા સ્થાને પણ મૂકે છે. કંપનીએ 2023 ના તેના 66 સ્કોરથી નોંધપાત્ર 26% સુધારો દર્શાવ્યો છે.

WLLનું પ્રદર્શન મૂલ્યાંકનના ત્રણેય મુખ્ય સ્તંભોમાં પ્રતિબિંબિત થાય છે: શાસન અને આર્થિક (79), પર્યાવરણ (85), અને સામાજિક (84). આ સિદ્ધિમાં કંપનીની ટકાઉ ઉત્પાદન, નૈતિક સોર્સિંગ અને પર્યાવરણીય દેખરેખમાં સતત પ્રગતિએ મહત્વપૂર્ણ ભૂમિકા ભજવી છે. પર્યાવરણીય ક્ષેત્રમાં 85 (ઉદ્યોગ સરેરાશ: 34, સૌથી વધુ: 96), સામાજિક ક્ષેત્રમાં 84 (સરેરાશ: 34, સૌથી વધુ: 91), અને શાસન અને આર્થિક ક્ષેત્રમાં 79 (સરેરાશ: 38, સૌથી વધુ: 88) સ્કોર કર્યો છે.

 S&P ગ્લોબલ (DJSI) ESG સ્કોર:

વેલ્સ્પન લિવિંગ લિમિટેડના MD અને CEO, દિપાલી ગોએન્કાએ કહ્યું: “આ વર્ષે 83 ના સ્કોર સાથે S&P CSAમાં વૈશ્વિક સ્તરે ચોથું સ્થાન પ્રાપ્ત કરવા બદલ અમને ખૂબ ગર્વ છે. આ સિદ્ધિ અમારી સમગ્ર ટીમની સખત મહેનત અને સમર્પણનો પુરાવો છે, જે અમારા વ્યવસાયના દરેક પાસામાં ટકાઉ પ્રથાઓને એકીકૃત કરવા માટે સતત પ્રયત્નશીલ છે. સસ્ટેનેબિલિટીના પ્રમુખ અને ગ્રુપ હેડ આલોક મિશ્રાએ ઉમેર્યું: “અમારા ESG સ્કોરમાં આ નોંધપાત્ર સુધારો કંપનીના ESG જોખમોને સર્વાંગી રીતે સંબોધવા અને ભવિષ્યમાં વિશ્વસનીય સંગઠન બનાવવાના અમારા પ્રયાસોનું પરિણામ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)