આર્ડી એન્જિનિયરીંગે રૂ. 580 કરોડ એકત્ર કરવા ડીઆરએચપી ફાઇલ કર્યું

અમદાવાદ, 1 એપ્રિલઃ પ્રી-એન્જિનિયર્ડ બિલ્ડિંગ્સ (પીઇબી), મટિરિયલ હેન્ડલિંગ સિસ્ટમ્સ (એમએચએસ) અને એન્જિનિયરીંગ સર્વિસિસ એમ મુખ્યત્વે ત્રણ બિઝનેસ લાઇન ધરાવતી એકીકૃત ડિઝાઇન, એન્જિનિયરીંગ અને મેન્યુફેક્ચરિંગ કંપની આર્ડી એન્જિનિયરીંગ લિમિટેડે પ્રારંભિક જાહેર ભરણા (આઇપીઓ) દ્વારા રૂ. 580 કરોડ ઊભા કરવા માટે મૂડીબજાર નિયામક સેબીમાં તેનું ડ્રાફ્ટ રેડ હેરિંગ પ્રોસ્પેક્ટસ (ડીઆરએચપી) ફાઇલ કર્યું છે.

ડીઆરએચપી મૂજબ હૈદરાબાદમાં મુખ્યાલય ધરાવતી કંપનીના પ્રારંભિક જાહેર ભરણામાં રૂ. 500 કરોડ સુધીના ઇક્વિટી શેર્સનો ફ્રેશ ઇશ્યૂ તથા પ્રમોટર સેલિંગ શેરહોલ્ડર ચંદ્રશેખર મોટુરુ દ્વારા રૂ. 80 કરોડનો ઓફર ફોર સેલ સામેલ છે.

આર્ડી ફ્રેશ ઇશ્યૂમાંથી પ્રાપ્ત ભંડોળમાંથી રૂ. 279.6 કરોડનો ઉપયોગ તેલંગાણાના સીતારામપુરમાં બે નવી મેન્યુફેક્ચરિંગ સુવિધાઓની સ્થાપના માટે મૂડી ખર્ચ માટે કરવાનો પ્રસ્તાવ મૂક્યો છે. રૂ. 44.8 કરોડનો ઉપયોગ આન્ધ્ર પ્રદેશના પરવાડામાં એક નવી એકીકૃત મેન્યુફેક્ચરિંગ સુવિધાની આવશ્યકતાઓને પૂર્ણ કરવા માટે, રૂ. 65 કરોડનો ઉપયોગ કંપનીના કેટલાંક ઋણની સંપૂર્ણ અથવા આંશિક ચૂકવણી માટે તથા બાકીની રકમનો ઉપયોગ કોર્પોરેટના સામાન્ય હેતુઓ માટે કરવાની દરખાસ્ત છે.

નાણાકીય વર્ષ 2024માં આર્ડીએ કામગીરીમાંથી રૂ. 620 કરોડની આવક તથા રૂ. 29 કરોડનો પીએટી નોંધાવ્યો હતો.

આઇઆઇએફએલ કેપિટલ સર્વિસિસ લિમિટેડ અને જેએમ ફાઇનાન્સિયલ લિમિટેડ ઇશ્યૂના બુક રનિંગ લીડ મેનેજર્સ છે. ઇક્વિટી શેર્સ બીએસઇ અને એનએસઇ ઉપર લિસ્ટ કરવાની દરખાસ્ત છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)