બિગબ્લોક કન્સ્ટ્રક્શન: રૂ. 51.66 કરોડની આવક નોંધાવી

કંપનીએ 1:1ના રેશિયોમાં બોનસ ઇક્વિટી શેર્સ ઇશ્યૂ કરવાને મંજૂરી આપી

સુરત, 15 નવેમ્બર: બિગબ્લોક કન્સ્ટ્રક્શન લિમિટેડે સપ્ટેમ્બર, 2024ના રોજ પૂરા થતા નાણાંકીય વર્ષ 2025ના બીજા ત્રિમાસિક ગાળા માટે કામગીરીમાંથી રૂ. 51.66 કરોડની આવક નોંધાવી છે જે નાણાંકીય વર્ષ 2024ના બીજા ત્રિમાસિક ગાળામાં રૂ. 58.90 કરોડ હતી. નાણાંકીય વર્ષ 2025ના બીજા ત્રિમાસિક ગાળા માટેની એબિટા રૂ. 7.66 કરોડ (એબિટા માર્જિન 14.89 ટકા) હતી જેની સામે નાણાંકીય વર્ષ 2024ના બીજા ત્રિમાસિક ગાળામાં એબિટા રૂ. 14.86 કરોડ (એબિટા માર્જિન 25.30 ટકા) રહી હતી. નાણાંકીય વર્ષ 2025ના બીજા ત્રિમાસિક ગાળા માટે કન્સોલિડેટેડ ચોખ્ખો નફો રૂ. 2.18 કરોડ રહ્યો હતો.

29 ઓગસ્ટ, 2024ના રોજ યોજાયેલી વાર્ષિક સાધારણ સભા દરમિયાન કંપનીએ 1:1ના રેશિયોમાં બોનસ ઇક્વિટી શેર્સ ઇશ્યૂ કરવાને મંજૂરી આપી હતી. કંપનીએ માર્ચ 2024ના રોજ પૂરા થતા નાણાંકીય વર્ષ માટે ઇક્વિટી શેર દીઠ રૂ. 0.40 એટલે કે 20 ટકાના આખરી ડિવિડન્ડને પણ મંજૂરી આપી હતી. આ સાથે કંપનીની ઓથોરાઇઝ્ડ શેર કેપિટલને રૂ. 15 કરોડમાંથી પ્રત્યેક રૂ. 2ના 15 કરોડ ઇક્વિટી શેરમાં વહેંચીને રૂ. 30 કરોડ કરવાને પણ મંજૂરી અપાઈ હતી.

પ્રમોટર ગ્રુપે કંપનીમાં તેમનું હોલ્ડિંગ વધારીને સપ્ટેમ્બર 2024માં 72.48 ટકા કર્યું છે અને ઓપન માર્કેટમાંથી 1.34 લાખ શેર ખરીદ્યા છે. અગાઉના વર્ષોની જેમ પ્રમોટર ગ્રુપે વ્યાપાર વિસ્તરણ યોજનાઓને ટેકો આપવા માટે નાણાંકીય વર્ષ 2023-24 માટે પણ તેમના આખરી ડિવિડન્ડ હકોનો ત્યાગ કરવાની જાહેરાત કરી છે.

કંપનીની કામગીરી પર ટિપ્પણી કરતાં, બિગબ્લોક કન્સ્ટ્રક્શન લિમિટેડના નારાયણ સાબૂએ જણાવ્યું હતું કે,નાણાંકીય વર્ષ 2025ના બીજા ત્રિમાસિક  ગાળાની નાણાંકીય કામગીરી મુખ્યત્વે પશ્ચિમ ભારતમાં વધુ પડતા ચોમાસાની સ્થિતિને કારણે પ્રભાવિત થઈ હતી, જેણે માંગ, ઉત્પાદન સમયપત્રક, સપ્લાય ચેઇન અને ઓપરેશનલ કાર્યક્ષમતાને અસર કરી હતી. અમે નાણાંકીય વર્ષ 2025ના ત્રીજા ત્રિમાસિક ગાળા અને ચોથા ત્રિમાસિક ગાળામાં મજબૂત વૃદ્ધિ માટે આશાવાદી છીએ.

કંપનીએ ત્રણ વર્ષની આવકમાં 33 ટકાનો મજબૂત સીએજીઆર અને એબિટામાં 66 ટકાનો સીએજીઆર, 21.38 ટકાનું રોકેલી મૂડી પરનું વળતર, 28.27 ટકાનું ઇક્વિટી પરનું વળતર તથા 1.1 ગણું ડેટ ઇક્વિટી નોંધાવ્યું છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)